Qindra çiklistë të zhveshur, disa të tjerë të pikturuar me ngjyra e motive të ndryshme, e disa të tjerë vetëm me nga një veshje mbi trup, mbushën rrugët e Meksiko City të shtunën për të protestuar për kulturën e automjeteve ne qytetin e madh që gëlon nga zhurma e makinave, si dhe për të kërkuar të drejtat e çiklistëve.
“Ne pedalojmë zhveshur për të drejtat e çiklistëve. Kur ne pedalojmë, kemi vetëm trupin tonë dhe nuk mund të garojmë me makinat- thotë një nga protestuesit, Eunice Martinez. Trafiku u ndalua për pak kohë, ndërsa kureshtarët dhe fotografët mbushën trotuaret për të patur në objektivë detaje nga kjo protestë jo fort e zakontë.
اiklistët e zhveshur përshkuan rrugët e sheshet më të famshme të Meksiko City, duke kënduar e duke përcjellë edhe sllogane. Një ndër më të rëndësishmit, ishte “ të drejta për biçikletat” në rrugët kaotike të Meksiko City.
Rreth 8 milion automjete qarkullojnë në qytet dhe një situatë e tillë sigurisht që vështirëson së tepërmi qarkullimin apo udhëtimin me biçikleta.
Protestuesit thonë se drejtuesit e automjeteve nuk respektojnë çiklistët, dhe se ata nuk duan t`ia dijnë për këtë lloj transporti. Megjithatë, kishte dhe nga ata që morën pjesë në këtë protestë thjesht për kënaqësi, duke përfituar nga kushtet e favorshme të motit.
lajmifundit
