• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Një mandat i pestë për Angela Merkel?

legjenda

Tetova


Ministri i Brendshëm i Gjermanisë, Horst Seehofer, ngriti çështjen e një mandati tjetër për kancelaren. Por sa realiste është kjo? Dhe çfarë thonë anëtarët e grupit parlamentar unionist?
Kur Angela Merkeli tejkaloi kufirin kohor prej një minute për një përgjigje të mërkurën gjatë interpelancës me deputetët në Bundestag, presidenti i Bundestagut, Wolfgang Schäuble, e regjistroi.
“Kancelares i dhamë tani pak më shumë kohë, sepse asaj iu desh të përgjigjet edhe për grupin parlamentar të CDU/CSU,” tha ai. Dhe Merkeli u përgjigj: “Anëtare e të cilit është kancelarja”.
Në procesverbalin e Bundestagut lexon “hare dhe duartrokitje nga CDU/CSU”.
Ishte një duartrokitje krenare.
Merkel e ktheu kohën e pyetjes gati 70-minutëshe në shfaqje të një personi. Ajo dukej e qetë dhe mendjemprehtë, si gjithmonë shumë e përgatitur për lëndën, dhe me siguri jo e lodhur nga posti.
Lidership në krizën e coronavirusit
Merkel ndodhet ndoshta në krizën më të madhe gjatë mandatit të saj, kriza mbase më e madhe që nga themelimi i Republikës Federale.
Dhe qoftë brenda apo jashtë vendit: deri tani ajo është lëvduar për kursin e saj në krizën e coronavirusit, është brohoritur si përfaqësuese e multilateralizmit e cila lufton tani për Evropën e tronditur dhe kërkon për të mbështetje në grupin parlamentar unionist.
Ishte Horst Seehoferi, ministri i saj Federal i Brendshëm dhe nga 2015 deri në 2018, kritiku më i betuar i saj, i cili e ngriti fare zyrtarisht çështjen e mandatit të pestë të Merkelit si kancelare.
Ai “nuk mund ta mohojë, që këtë ide e ka dëgjuar më shpesh kohët e fundit”, tha njeriu i CSU-së në fillim të majit të “Bild am Sonntag”.
Spekulimet janë kaq të mrekullueshme.
Dhe ajo që më parë diskutohej nga gazetarët dhe prapaskenat e spektakleve mediatike tani vjen nga ministri, i cili nuk përmbahet dot pa lëvduar “punën e shkëlqyer në ekip” dhe “udhëheqjen strategjike” të Merkelit.
Pension në moshën 67 vjeçare?
Vetëm se: Merkeli ka thënë prej kohësh se së shpejti do t’i japë fund.
Pas zgjedhjeve paraprirëse zhgënjyese për partitë unioniste në Bavari dhe në Hessen, për të cilat shumë fajësuan kancelaren, 65-vjeçarja tërhoqi rripin e hapjes së parashutës dhe në tetor 2018 njoftoi dorëheqjen e saj nga kryesia e partisë.
Sidoqoftë, ajo dëshironte të mbetej kancelare deri në fund të periudhës legjislative dhe të përfundonte veprimtarinë e saj politike me zgjedhjet federale në vjeshtë 2021. Pra pension në moshën 67 vjeçare.
Shumë lëvdata nga grupi parlamentar
Sidoqoftë, kur flet me shumë anëtare të grupit unionist parlamentar, të gjithë janë plot lëvdata dhe respekt për Merkelin në epokën e re të COVID-19.
Por askush nuk të thotë gjë që – përtej pyetjes se si do të përfundojnë zgjedhjet e ardhshme parlamentare – do të të bënte të spekuloje për një mandat tjetër legjislativ për kancelaren Merkel.
“Kancelarja ka një pozicion të jashtëzakonshëm si ndërkombëtar, ashtu edhe kombëtar. Midis politikanëve, vendimmarrësve, njerëzve”, thotë Marco Wanderwitz, deputet i Bundestagut në Saksoni, për Deutsche Welle-n.
Deputeti i CDU-së, Marco Wanderwitz, komisioneri për Lindjen në qeverinë federale që nga shkurti thotë se këto ditë ai është “shumë i lumtur që e kemi”.
Një kolege theksoi se ajo e kishte udhëhequr vendin përmes krizës “në mënyrë të shkëlqyeshme dhe me kompetencë të madhe dhe duke marrë parasysh interesat konfliktuale”.
Të gjithë në grup ndjenin nivelin e përkushtimit të saj për të zgjidhur problemin aktual evropian, thotë një tjetër.
Disa i argëton, të tjerë i irriton debati i ri.
Shumë vetëve u kujtohen ditët e fillimit të shkurtit, kur kryetarja e CDU-së, Annegret Kramp-Karrenbauer, njoftoi tërheqjen nga udhëheqja e partisë.
Në qarqet gazetareske në Berlin ato ditë dëgjoje vetëm Merz-Laschet-Röttgen ose Laschet-Röttgen-Merz. Një fiksim që nuk e përjetonin kurrë të tillë në bazën e partisë.
Deri sa erdhi coronavirusi dhe solli pyetje shumë serioze faktike. Deri sa erdhi virusi dhe shkaktoi spekulime të reja në qarqet mediatike “Ajo dëshiron të qëndrojë, ajo do të largohet” ose “Ajo do të largohet, ajo dëshiron të qëndrojë”.
Jo, thotë një anëtar i grupit parlamentar, “pas një mandati të përmbushur dhe të menaxhuar mirë” ajo “do të largohet nga skena politike” me kokën lart.https://iliria.tv
 

Tomka

Anëtar i ri
Gjermanine e la apo se la Merkeli pak rendesi ka per aq kohe sa i funksionojne 16 landet federale. Kancelari apo Kancelarja e ardhshme duhet te zgjidhet per politiken nderkombetare sepse ne ate kombetare Gnermanet e kane gjet gjithmone gjuhen e perbashket.
 
Top