Serie A është shndërruar në një nga kampionatet ku shënohen më shumë gola edhe pse vite më parë shumë ndeshje vendoseshin me vetëm një gol, me ekipet që mendonin më shumë të mbroheshin.
Në vetëm 3 ndeshje këtë të diel janë shënuar 16 gola. Sfida e mesditës ishte ajo mes Bolonjës dhe Fiorentinës, e mbyllur me fitoren e miqve 2-3. Më pas, ishte radha e Rey Manaj të shënojë golin e parë në Serie A. Sulmuesi shqiptar realizoi në takimin Spezia-Sassuolo, i cili u mbyll në barazim 2-2.
Ndërkohë, një takim i “çmendur” u zhvillua në Venecia, ku vendasit e ngjitur këtë vit në elitën e futbollit italian zhvilluan një 45 minutësh të jashtëzakonshëm ndaj Veronës, duke e mbyllur pjesën e parë në avantazhin e 3 golave. Kur të gjithë menduan se Venezia siguroi pikët e plota nga kjo ndeshje, Verona realizoi përmbysjen e madhe duke shënuar 4 gola.
Në mbrëmje luhen edhe dy takimet e tjera të kësaj jave, Sampdoria-Lazio dhe Juventus-Genoa.
A2news.com
