PiNkY
Anëtar i Nderuar
Ndryshimet e klimës po sjellin ndryshime tek bimët por edhe tek gjallesat. Këto ndryshime duket se kanë sjellë një lloj të insektit të ri në Shtip.
Insekti është i njëjtë me karkalecin por për nga madhësia është pothuajse sa një lepur i vogël. Ky inspekt fillimisht është parë rastësisht një banor i Shtipit.
"Unë pashë një insekt i cili dukej jo i zakontë. Formën e ka si një karkalec, por më habiti madhësia e tij si lepur ose minjtë e fushës dhe përfundon me një bisht të gjatë rreth 10-15 cm që duket si një mekanizëm mbrojtës", rrëfen Kiril Panajotov, i cili insektin e ka fotografuar në vendbanimin Sujtllak afër Shtipit, njofton Almakos.
Etimologët thonë se edhe pse ky insekt në dukje është i frikshëm, megjithatë nuk është i rrezikshem për njerëzit. Ajo që sipas tyre është interesante është se si u gjet në Maqedoni sepse bëhet fjalë për një lloj insekti endemik që është karakteristik për ishujt e Zelandës së Re.
"Zakonisht madhësia e trupit është 10 cm. Nuk është i rrezikshëm dhe nuk përmban asnjë materie toksike për njerëzit. Sipas literaturës konsiderohet si lloj endemik i ishujve rreth Zelandës së Re. Më parë ishte i shpeshtë, por për shkak se minjtë e fushës janë transferuar nga Europa tani është lloj i rrallë", thotë dr. Dushan Spasov, profesor univerzitar.
Ekspertët supozojnë se me rritjen e temperaturave në Maqedoni mund të paraqiten edhe lloje të tjera insektesh të cilët deri tani nuk kanë ekzistuar.
/albeu.com/