Kresha
A pretty face can never trick me
Në Qendrën mediale në Beograd, sot bëhet promovimi i librit me poezi të përzgjedhura të poetit të njohur nga Kosova, Ali Podrimja në gjuhën malaziase me titullin “اelësi i himbur” (Izgubljeni kljuç).
Organizator i promovimit është kryetari i Shoqatës së malazezëve të Kosovës, Sllobodan Vujiçiq që është edhe botues i librit promovimi i të cilit u bë në Prishtinë para një muaji.
Promovimi në Beograd bëhet me qëllim të mbështetjes së procesit të normalizimit të marrëdhënieve midis Beogradit e Prishtinës, kurse donator të promovimit janë Fondacioni për shoqërinë e hapur i Kosovës dhe Ministria për Kulturë, Rini e Sport e Kosovës.
Për librin dhe poezinë e Ali Podrimës si dhe për rëndësinë e promovimit për normalizimin e marrëdhënieve ndërmjet Beogradit e Prishtinës pritet të flasin: Sllobodan M.Vujiçiq, kryetar i Shoqatës së malaziasve të Kosovës, Filip Davidi shkrimtar, skenarist dhe mik i Podrimes, dr Basri اapriqi, kryetar i PEN Qendrës së Kosovës; prof. dr Predrag Simiq, profesor universiteti dhe analist politik, avokati Azem Vllasi, dhe Baton Haxhiu gazetar.
Në promovim janë ftuar:
Dejan Paviqeviq, oficer për lidhje i Serbisë në Kosovë,
Valdet Sadiku, oficer për lidhje i Kosovës në Serbi,
Ambasadori i Malit të Zi në Beograd, Igor Jovoviq, si dhe shumë akademik, shkrimtar, aktor dhe veprimtarë të kulturës nga Kosova, Serbia, Mali i Zi, përfaqësuesi i delegacionit të BE në Serbi, përfaqësues të ambasadave dhe organizatave të ndryshme ndërkombëtare. //mesazhi