-
- Anëtarësuar më
- Jul 22, 2008
-
- Mesazhe
- 3,960
-
- Reagimet e mara
- 349
-
- Mosha
- 36
-
- Vendndodhja
- ,,In your dreams making you happy'' :)
Ndikimi i “9”-shes në sjelljen konsumatore
Kaherë është thënë se çmimet të cilat përfundojnë me numrin 9 janë më tërheqëse sesa ato që përfundojnë me 0. Për shembull, për një bluzë që ka të ngjitur çmimin 79 euro jemi të prirur për të thënë se kushton “70 e diçka” euro. Ndërsa poqëse do të kishte një çmim të sheshtë, në këtë rast 80 euro, atëherë do të na dukeshte shumë më e shtrenjtë. Pra, te çmimet me më tepër se një shifër, dhjetëshja është ajo që perceptohet më fuqishëm dhe fiksohet në mendjen e konsumatorit.
Kështu, një ekip ekspertësh për sjellje dhe psikologji konsumatori në Britani të Madhe, u morën vesh me personelin e një restorani të vogël që për disa javë të ndryshojnë çmimin e picës e cila ishte në pozitën e dytë sipas numrit të porosive, çmim i cili do të përfundonte me 9.
Fillimisht në dy javët e para, të gjitha llojet e ushqimeve nga menyja përfundonin në 0. Në javën e tretë, çmimi i picës së zgjedhur është caktuar në 7.99 euro, ndërsa të tjerat kanë përfunduar me 0. Porositë për këtë picë janë rritur me 15% pasi u bë ky ndryshim, dhe mbi 50% të klientëve që kanë porositur pica në përgjithësi, janë përcaktuar përt këtë lloj pice. Si duket për shkak të forcës tërheqëse të çmimit. Më pastaj, të gjitha produkteve iu përcaktua çmimi që përfundon me 9, dhe populariteti i picës së zgjedhur ra në 34.1%.
Ky ishte vetëm një shembull, pasiqë raste të tilla ndodhin edhe kur ka zbritje nëpër shitore të ndryshme. Njerëzit tërhiqen pas numrit dhe në këtë mënyrë mendojnë se janë duke blerë me një çmim më të lirë, ndërsa në fakt dallimi ndërmjet çmimeve që përfundojnë me 9 dhe atyre që përfundojnë me 0 është shumë i vogël.
Po çfarë do të ndodhte nëse një produkt do të shitej me një çmim prej 80 eurosh, dhe pas një kohe ky produkt të tërhiqej nga ana e prodhuesit në mënyrë që të rikthehet përsëri në treg me një çmim prej 89 eurosh? Gjatë kësaj periudhe, konsumatori do të mund të gjente një substitut të tij, por me rastin e rikthimit në treg, ndoshta ai nuk do të ishte në gjendje të identifikonte manipulimin në çmim. Kjo vlen për produktet e mirëpozicionuara në treg.
Por, ekziston edhe një koncept tjetër gjatë përcaktimit të çmimit nga ana e shitësit. Disa nisen duke vënë një marzhë në bazë të përqindjes. Për shembull një produkti që çmimi furnizues i ka kushtuar 365 euro i vihet marzha prej 10%, dhe na del qe çmimi shitës të jetë 401.5 euro. Në trurin e konsumatorit fiksohet se ky produkt kushton 400 euro, ndërsa kur shkon para arkës, shitësi nuk i lejon ta marrë produktin pa paguar shumën e plotë. Pra, ajo diferenca prej 1.5 eurosh bën që produktin ta dërgon në humnerë.
burimi:mbreti i tregut
Redaktimi i fundit: