Ndahet nga jeta Laver Bariu

cent

...Lontano
Kultura dhe muzika popullore shqiptare kanë humbur një ndër kolosët e saj, Laver Bariun, i cili u nda nga jeta në moshën 85-vjeçare.
To view this content we will need your consent to set third party cookies.
For more detailed information, see our cookies page.

Personalitet i muzikës popullore shqiptare, Laver Bariu ka lindur në 2 maj të vitit 1929 në qytetin e Përmetit. Karrierën e ka nisur që në moshë të re duke fituar një sërë çmimesh. I pari si instrumentisti popullor më i mirë në vitin 1952, kur ishte vetëm 23 vjeç. 2 vjet më pas bën regjistrimin e këngës së parë me saze... E kështu me radhë, Laver Bariu ka marrë pjesë si figurë kryesore në të gjitha festivalet folklorike lokale dhe kombëtare.

Sazet e krijuara nga Laver Bariu nuk ishin konceptuar thjesht si një formacion tradicional që interpretonte vetëm me vegla, por edhe si një grup shoqërues i këngëtarëve ndër më të njohurit të muzikës popullore shqiptare. “Bilbilat e Përmetit” kanë bërë një mori të pafundme prodhimesh muzikore ku përfshihen edhe hyrje këngësh, kaba, valle dhe interpretime të pjesëve të ndryshme me repertor të vjetër dhe të ri.

Usta Laveri, siç e njihnin të gjithë, ka qenë mësuesi dhe udhëheqësi i shumë figurave të muzikës popullore duke u mësuar ABC-në e një instrumenti si gërneta. ثshtë e papërsëritshme vlera që Laver Bariu dhe sazet e tij i dhanë iso-polifonisë që është trashëgimi kulturore e çmuar nga UNESCO.

Laver Bariu konsiderohej si i fundit i ustallarëve të sazeve të Shqipërisë së jugut. Formacioni i tij ka qenë dominues që prej viteve 1950 e deri në ditët e sotme. Ka regjistruar materialet muzikore të një filmi të famshëm si “Gjeneral Gramafoni” së bashku me Mentor Xhemalin e po ashtu ka marrë pjesë edhe në prodhime të shumta të tjera si filmi “Këngët e zemrës”.

Regjistrime të shumta të kabave të famshme të tij janë bërë edhe në Britaninë e Madhe, Gjermani, Greqi, Suedi e deri në Australi. Në vitin 2001 është dekoruar me titullin Mjeshtër i Madh i Punës e po ashtu Nder i qytetit të Përmetit së bashku me figura të tjera të mëdha si vëllezërit Frashëri, Odhise Paskali e Mentor Xhemali.

Shqipëria ndahet nga një kolos si Laver Bariu që megjithatë lë pas vepra të pashlyeshme që do mund të jetojnë gjithmonë si pjesë e identitetit kombëtar shqiptar si vlera të rralla të tij.

/Top Channel
 
Titulli: Ndahet nga jeta Laver Bariu

U shua dhe nje legjend e muzikes shqiptare .Ngushellime familjes ...i paharuar qofte kujtimi i tij
 
Pe: Ndahet nga jeta Laver Bariu

Kur pashe lajmet mbreme u hidherova dhe per nje cast mu skuqen edhe syte.....iku nje ikone e artit shqiptar por na ka lene nje pasuri te pazevendesueshme.Me preku kur ne intervisten e fundit kishte thene:Ti bie edhe nje here e pastaj te vdes.Thone qe kishte vite qe se prekte me dore.
 
Pe: Ndahet nga jeta Laver Bariu

Sot eshte dita per ta kujtuar keshtu
To view this content we will need your consent to set third party cookies.
For more detailed information, see our cookies page.
 
Titulli: Ndahet nga jeta Laver Bariu

Ngushëllime familjarëve.. Mjeshtër i klarinetës.. "kolos i muzikës popullore"..

To view this content we will need your consent to set third party cookies.
For more detailed information, see our cookies page.
 
Titulli: Ndahet nga jeta Laver Bariu

I paharruar qofsh Laver Bariu

[video=youtube;6i9b-QoeV1c]https://www.youtube.com/watch?v=6i9b-QoeV1c[/video]
 

Konkursi Letërsisë

  • 1-Bëju.

    Votat: 11 40.7%
  • 2-Ankth mesnate.

    Votat: 3 11.1%
  • 3-Të dua ty.

    Votat: 8 29.6%
  • 4-Nje kujtim.

    Votat: 5 18.5%
Back
Top