Ish-deputeti demokrat, Besnik Mustafaj, thotë se pas humbjes së thellë, demokratët duhet të bëjnë një analizë të thellë në lidhje me arsyet që e sollën atë. “Ju drejtohem të gjithë demokratëve e në mënyrë të posaçme asaj bërthamës së mrekullueshme që dikur quheshin me krenari “qëndrestarë”. E sotmja sigurisht që nuk është një ditë e gëzueshme për ne. Më kryesorja dhe e domosdoshme është që asnjë prej jush të mos ndjehet i thyer. Ju duhet të mblidhni forcat, krenarë që jeni demokratë dhe të bëni një analizë thellësisht të sinqertë me veten dhe njëri-tjetrin të arsyeve pse kjo humbje dhe sidomos pse në këto përmasa. Nëse demokratët e vërtetë, zhyten në dëshpërim, dëmin e madh e ka Shqipëria jonë e shtrenjtë”, shkruan Mustafaj në Facebook.
Gazeta Dita
Gazeta Dita