Love
βeℓℓe â๓e
-
- Anëtarësuar më
- May 31, 2010
-
- Mesazhe
- 8,633
-
- Reagimet e mara
- 731
-
- Vendndodhja
- A jamais à toi.. A jamais à moi.. A jamais à nous.
Nga: Dorina Bilbili
Mbretërit Ilirë: Epidamn, Bardhyl, Monun, Agron, Glauk, Teuta me mbretin Pin, Gent dhe Pirro prej datës 28 nëntor qëndrojnë plot krenari të përjetësuar në shtatore para Muzeut Historik Kombëtar në Tiranë.
Me synimin e rithirrjes në memorie se historia e popullit shqipëtar daton shumë më larg se 100 vjet më parë shtatoret janë demostrimi më i mirë vizual në ketë vit jubilar.
“Lavdia e stërgjyshërve tanë Ilirë është nderi që neve na bën të krenohemi se jemi lindur e rritur në këto troje, që dikur quheshin Pellazgji, me vone Iliri, pastaj Arbëri dhe tashmë Shqipëri.
Kanë qëne dhe janë të pasura me qytetërim dhe kulturë të pashterëshme”,-shprehet në emër të grupit të punës njëri nga skulptorët, Evis Kabilo.
Skulptorët profesionistë që realizuan këto vepra arti shprehen se mungon kujdesi për t’i vënë në fokusin e duhur ato. Sipas tyre vizioni i elitës është totalisht i deformuar.
“Ne ditën e festës së kombit, turmën e orienton drejt gastronomisë, ndërkohë që sheshi ‘’Skenderbej’’ buçiste nga monumentet e paraardhësve tanë të lavdishëm”,-thanë skulptorët.
Artistët shprehen se në tempullin ku ruhet historia e shqiptarëve 8 shtatoret meritojnë më tepër vëmendje nga shteti e media.
“Qytetërimi shqiptar ka nevojë për të prekur origjinën e vet dhe kjo gjë mund të ndodhë vetëm nëpërmjet këtij profesioni shumë të lashtë siç është skulptura”,- thekson për ta Kabilo.
Monumentet janë të realizuara në polimermer, material shumë rezistent ndaj kushteve atmosferike, me 4 metra lartësi duke u shikuar qartë edhe nga distanca të largëta.
“Mendoj se këto monumente sjellin një fryme të re në skulpturen shqipëtare. Stilistika e tyre është shqipëruar sipas kodeve shpirtërore dhe estetike të çdo autori duke iu përmbajtur parimeve dhe ligjësive universale të skulpturës monumentale”,-vijon ai.
Tetë mbretërit Ilirë do të qëndrojnë të ekspozuar pranë Muzeut Kombëtar deri në muajin janar, kohë kur do të shkojnë në mbikalimin e aeroportit të ‘Rinasit’ në Kashar.
Ekspozimi i tetë shtatoreve mbresëlënëse u bë me rastin e 100-vjetorit të Pavarësisë së Shqipërisë nën kujdesin e kompanisë “Amadeus Palace”.
Teksa kanë si autorë:
Mbreti Epidamn me autore Ariona Memi;
Mbreti Bardhyl me autor Benard Lekgegaj;
Mbreti Monun me autor Bujar Vani;
Mbreti Agron me autor Drilon Maletaj;
Mbreti Glauk me autor Taulant Liçi;
Mbretereshe Teuta me mbretin Pin kane per autor Bujar Vani;
Mbreti Gent me autor Perikli Hanxhari;
Mbreti Pirro me autor Evis Kabilo.
Redaktimi i fundit:
pse nuk i kam pare une kto :/
