Bujqësia dhe mjedisi, prioritet i programit të LSI-së
LSI-ja do t‘i paraqesë PD-së gjashtë pikat e programit të saj për zhvillimin e bujqësisë dhe mjedisit. Sekretari i LSI-së për Bujqësinë, Edmond Panariti, ka deklaruar dje se LSI-ja do të negociojë me partnerët e koalicionit hapat për shndërrimin e përparësive të saj programore në fushën e Bujqësisë në programin qeverisës. Së pari, tha Panariti, LSI do të këmbëngulë në dyfishimin e fondeve të buxhetit për bujqësinë si pjesë e programit të ardhshëm qeveritar. Së dyti, LSI do të insistojë në përgjysmimin e Tatimit mbi Vlerën e Shtuar për të gjithë artikujt ushqimorë bazë, për të lehtësuar barrën e çmimeve për konsumatorët. Pika e tretë e programit të LSI-së që do t‘i kërkojë PD-së është krijimi i garancisë për nxitjen e kredisë agrare nga burime buxhetore, si dhe përdorimin për këtë qëllim të granteve apo të burimeve alternative financiare. Pika e katërt që LSI-ja do i paraqesë PD-së është mbështetja financiare për fermerët që të shkojnë drejt prodhimit faktik bujqësor dhe blegtoral. Lidhur me këtë, tha Panariti, ne mbështesim pagesat për fermerët për çdo kg mish, fruta, perime, si dhe për çdo litër qumësht të prodhuar dhe të dorëzuar në pikat e grumbullimit. Sipas zyrtarit të LSI-së, sfida e përbashkët me PD-në gjatë këtij mandati qeverisës do të jetë lidhja e prodhimit vendas me tregun. Si pikë të pestë LSI-ja do t‘i kërkojë PD-së rinegocimin e pikave të veçanta të marrëveshjes së tregtisë së lirë, për të mbështetur praninë në treg të prodhimeve bujqësore të vendit. Së gjashti, LSI do të kërkojë konstituimin e Autoritetit Kombëtar të Ushqimit si garant institucional të standardeve të cilësisë dhe sigurisë të ushqimeve. Për LSI-në, vetëm një sistem kombëtar i sigurisë ushqimore i cili funksionon sipas parimit nga "ferma në tavolinë", do të mund të garantojë qëndrueshmëri dhe besueshmëri. LSI-ja ka pranuar të bashkëqeverisë me PD-në për katër vitet e ardhshme me kushtin që Berisha dhe partia që ai drejtojnë të pranojnë në programin e tyre qeverisës pjesë nga programi i LSI-së. Kjo kërkesë është pranuar me kënaqësi nga Berisha dhe PD-ja, duke theksuar se programi i këtyre dy forcave politike nuk ka shumë ndryshime ndaj u gjet edhe gjuha e bashkëpunimit për katër vitet e ardhshme.
*shqip*
LSI-ja do t‘i paraqesë PD-së gjashtë pikat e programit të saj për zhvillimin e bujqësisë dhe mjedisit. Sekretari i LSI-së për Bujqësinë, Edmond Panariti, ka deklaruar dje se LSI-ja do të negociojë me partnerët e koalicionit hapat për shndërrimin e përparësive të saj programore në fushën e Bujqësisë në programin qeverisës. Së pari, tha Panariti, LSI do të këmbëngulë në dyfishimin e fondeve të buxhetit për bujqësinë si pjesë e programit të ardhshëm qeveritar. Së dyti, LSI do të insistojë në përgjysmimin e Tatimit mbi Vlerën e Shtuar për të gjithë artikujt ushqimorë bazë, për të lehtësuar barrën e çmimeve për konsumatorët. Pika e tretë e programit të LSI-së që do t‘i kërkojë PD-së është krijimi i garancisë për nxitjen e kredisë agrare nga burime buxhetore, si dhe përdorimin për këtë qëllim të granteve apo të burimeve alternative financiare. Pika e katërt që LSI-ja do i paraqesë PD-së është mbështetja financiare për fermerët që të shkojnë drejt prodhimit faktik bujqësor dhe blegtoral. Lidhur me këtë, tha Panariti, ne mbështesim pagesat për fermerët për çdo kg mish, fruta, perime, si dhe për çdo litër qumësht të prodhuar dhe të dorëzuar në pikat e grumbullimit. Sipas zyrtarit të LSI-së, sfida e përbashkët me PD-në gjatë këtij mandati qeverisës do të jetë lidhja e prodhimit vendas me tregun. Si pikë të pestë LSI-ja do t‘i kërkojë PD-së rinegocimin e pikave të veçanta të marrëveshjes së tregtisë së lirë, për të mbështetur praninë në treg të prodhimeve bujqësore të vendit. Së gjashti, LSI do të kërkojë konstituimin e Autoritetit Kombëtar të Ushqimit si garant institucional të standardeve të cilësisë dhe sigurisë të ushqimeve. Për LSI-në, vetëm një sistem kombëtar i sigurisë ushqimore i cili funksionon sipas parimit nga "ferma në tavolinë", do të mund të garantojë qëndrueshmëri dhe besueshmëri. LSI-ja ka pranuar të bashkëqeverisë me PD-në për katër vitet e ardhshme me kushtin që Berisha dhe partia që ai drejtojnë të pranojnë në programin e tyre qeverisës pjesë nga programi i LSI-së. Kjo kërkesë është pranuar me kënaqësi nga Berisha dhe PD-ja, duke theksuar se programi i këtyre dy forcave politike nuk ka shumë ndryshime ndaj u gjet edhe gjuha e bashkëpunimit për katër vitet e ardhshme.
*shqip*