Sportisti i vetëm paraolimpik shqiptar përsëriti shembullin e atletëve tanë në Londër 2012, duke u renditur i fundit në garën individuale të kronometrit në dy kilometra çiklizëm.
Megjithatë, më i rëndësishëm se vetë rezultati, për Haki Dokun ishte pjesëmarrja, e cila e shndërron atë në sportin e parë shqiptar në histori që merr pjesë në Lojrat Olimpike Paraolimpike.
Flamurmbajtësi ynë në këtë Olimpiadë si pjesëmarrësi i vetëm i delegacionit shqiptar, humbi aftësinë për të përdorur këmbët pas një aksidenti të pësuar në punë, kur u rrëzua nga një lartësi e madhe duke punuar në ndërtimin e një pallati në Itali.
Duke treguar një forcë të madhe karakteri dhe guximi, 42-vjeçari mbërriti në finish duke pedaluar nëpërmjet dy duarve në 38 minuta e 23 sekonda.
Megjithatë, aventura e Dokut në Londër 2012 nuk ka përfunduar ende, pasi ai do të garojë në datën 7 shtator edhe në disiplinën e dy kilometrave në rrugë.