Sipas pohimeve të drejtorit ekzekutiv të kompanisë Stephan Winkelmann, Lamborghini do të duhej që në të ardhmen e afërt, më saktësisht në vitin 2015, blerësve të tij potencialë t’u paraqes super-automjetin e parë hibrid të tij.
Siç pohon Winkelmann, disa projekte tanimë janë në punë e sipër në integrimin e elektromotorit të vogël në kombinim me motorin më të vogël me benzinë të cilët do të paraqiteshin në automjet.
Logjikisht, pritet zvogëlimi i shpenzimit të karburantit si dhe ndotje më e vogël e mjedisit, e siç e dini edhe vet super-automjetet janë ndër ndotësit më të mëdhenj. Megjithatë, për të mbajtur hapin me konkurrencën, edhe në Lamborghini po mendojnë seriozisht për zhvillimin e hibridit, të cilin mendojnë që në treg ta plasojnë në vitin 2015.
ثshtë interesante se gjatë vitit të njëjtë edhe Ferrari ka për qëllim të bëj të njëjtën gjë me modelin 599 i cili tanimë është në testime e sipër. Madje edhe prodhuesi Porsche është duke punuar në zhvillimin e hibridit në modelin 911, kështu që është e qartë se ka filluar të mendojnë “gjelbër” edhe në fushën e automjeteve luksoze dhe super-sportive.
Gjatë pesë viteve të ardhshme Lamborghini në zhvillimin e automjete hibride dhe zvogëlimin e gazrave të dëmshme planifikon të investojë 35 milionë euro, që është për t’u lavdëruar.
*telegrafi*