Lajme nga futbolli .

Futbolli anglez në krizë, qeveria u kërkon ndihmë klubeve të Premier Ligës për…
Kriza ekonomike e futbollit anglez po thellohet, edhe pse kampionati ka nisur dhe po vazhdon normalisht. Ndërprerja e aktiviteteve futbollistike prej disa muajsh dhe moslejimi i tifozëve në sportive ka shkaktuar një dëm të madh ekonomik sidomos te klubet e ligës së dytë angleze (Liga e Futbollit Anglez, EFL).
00bf37fc2ae9f5c16bddc1c20bb20e0a2ecbd55d.jpg

Dëmi i shkaktuar përllogaritet në 273 milionë euro. Në këto kushte, qeveria angleze u ka kërkuar ndihmë klubeve të elitës së futbollit Premier Ligës të kontribuojnë në lehtësimin e dëmeve financiare të ekipeve të rangjeve inferiore

Sekretari i Kulturës dhe Sportit në Britaninë Oliver Douden u shpreh se po diskuton rreth zgjidhjes së situatës me klubet e Premier Ligës dhe shpreson se do të ketë një zgjidhje optimale për të gjitha palët.

lg.php



“Drejtimi është i qartë. E kuptojmë se Premier Liga duhet të bëjë pjesën e saj. Jam duke u konsultuar në mënyrë të vazhdueshme me klubet dhe shpresoj se ata do të arrijnë një marrëveshje për të garantuar një zgjidhje të pranueshme”, u shpreh për “Sky News” Oliver Douden.

Sezonin e kaluar, klubet e Premier Ligës akorduan një fond prej 137 milionë eurosh për klubet e Ligës së Futbollit Anglez (EFL).

PANORAMASPORT.AL
 
EKSKLUZIVE/ Kaosi te Kukësi, drejtori Nexhipi ka dhënë dorëheqjen. Ja arsyeja…

Situatë kaotike te Kukësi pak ditë para mbylljes së merkatos (2 tetor). “Panorama Sport” zbulon ekskluzivisht se pas largimeve të shumta nga skuadra, drejtori sportiv Nderim Nexhipi ka dhënë dorëheqjen nga klubi verilindor. Ditët e fundit kanë qenë shumë të ngarkuara te Kukësi, pasi “divorci” i paparashikuar me disa lojtarë ka kapur gafil edhe vetë drejtorin sportiv, si dhe trajnerin Skënder Gega.
nderim-nexhipiii-960x640-770x470.jpg

Duke parë situatën, mësohet se Nexhipi ka njoftuar presidentin Gjici se e ka të pamundur të vazhdojë në këto kushte. Dorëheqja duket e parevokueshme, ndërkohë që vetë ish-futbollisti nga Shkupi që ka gati tri vite drejtor te Kukësi, i kontaktuar nga gazeta gjatë së hënës, nuk ka pranuar të bëjë asnjë koment. Burime në klub tregojnë se krisjet erdhën pas lëvizjeve të paparashikuara në merkato dhe Nexhipi nuk u pajtua me disa vendime që ishin në dorë të drejtuesve më të lartë.

Gjici-Nexhipi.jpg

Në këto kushte, ai ka njoftuar për dorëheqje, por kjo mbetet për t’u parë nëse do të pranohet nga presidenti Gjici. Në orët e ardhshme palët mund të fiksojnë një takim, i cili do të vendoste pikat mbi “i” në kampin kuksian. Aktualisht Kukësi duhet të kompensojë sa më shpejt largimet e titullarëve, por edhe koha nuk premton, pasi merkatoja mbyllet më 2 tetor. Situata e paprecedentë vjen në një moment ku trajneri Gega duhet të kishte gati skuadrën në prag të fillimit të kampionatit. Gjithçka mbetet për t’u parë se si do të rrjedhin ngjarjet.

PANORAMASPORT.AL
 
“Na vinin kuti të mbushura me jashtëqitje”, Evra sulmon presidentin e federatës franceze: I tha Deshampit, merri këta majmunë dhe shko në AfrikëIsh-mbrojtësi i Mançester Junajtid, Patris Evra ka thënë disa deklarata shokuese në lidhje me atë çfarë ndodhi tek kombëtarja e Francës në vitin 2010. Sipas Evras tek Franca ka pasur shumë racizëm.noel-le-gret.jpg
“Jam i detyruar t’i përgjigjem Noel Le Gret (Presidenti i Federatës Franceze të futbollit) pasi ai e di shumë mirë se çfarë ndodhte tek ne. E di ju se sa letra me mesazhe raciste kemi marrë? Një herë ai i pati thënë trajnerit Deshamps në atë kohë që merri këta majmunët dhe shko në Afrikë. Po ne i kemi fshehur këto fakte, por unë kam parë disa. Madje shpesh na vinin dhe kuti të mbushura plot me jashtëqitje,” tregon 39-vjeçari. “E njëjta që ndodhte edhe kur hanim dreka apo darka me ekipin.

Ne të gjithë kishim vendet tona, por sa herë që vinte presidenti unë përfundoja në fund të tavolinës së bashku me Sanjan dhe Sakhon. Ai preferonte më mirë të ulej pranë dhe të dilte në foto me Hugo Lorisin dhe Lorent Konshienlin se sa me ne”, tha Evra.

PANORAMASPORT.AL
 
“Haland do t’ju copëtojë dhe do t’ju bëjë lakër”! Serbët ndihen të provokuar, jo vetëm nga shqiptarëtprint.png
Sa herë që në Serbi ka një histori përballje me një ekip shqiptar, në mediat serbe do të kemi gjithmonë titujt që hapen me: “Provokacija”. Por më në fund në gjë e tillë vjen për një tjetër kundërshtar dhe jo vetëm me shqiptarët.

Serbia do të luajë përballë Norvegjisë dhe ish-futbollisti dhe tanimë komediani Bernt Hulsker, ka zgjedhur që të provokojë disi rivalët e Ballkanit, që “marrin flakë” lehtësisht. Misioni kryehet pa shumë vështirësi, vetëm me një këngë motivuese për futbollistët norvegjezë.

“Serbë, Haland do t’ju copëtojë dhe do t’ju bëjë lakër”, thotë Bernt Hulsker mes të tjerash, duke treguar forcën e yllit kryesor të Norvegjisë që luan me Dortmundin. Kjo ka bërë xhiron e të gjitha mediave serbe që e cilësojnë si skandaloze këtë lloj reagimi përpara takimit.

To view this content we will need your consent to set third party cookies.
For more detailed information, see our cookies page.

/Sport Ekspres/
 
Formacionet zyrtare, Young Boys-Tirana/ Tirana luan për të shkruar historinë, ja të besuarit e Egbosë në Zvicërtirana-yb-750x430.png
Pak kohë e ndan skuadrën e Tiranës nga ndeshja më e rëndësishme e tyre. Bardheblutë kanë udëhtuar në Zvicër, ku kanë mundësinë të shkruajnë historinë kundër Young Boys. Kampionët zvicerian janë pengesa e fundit për të mbërritur në grupet e Europa League, që këtë herë janë më pranë se kurrë.
Ekipet janë gati të ballafaqohen në fushën e lojës, ndërsa trajnerët kanë shuar edhe kureshtjen e tifozëve për formacionet zyrtare. UEFA ka publikuar 11-shet që do të zbresin në fushë për të synuar biletën në grupe. Emanuel Egbo i qendron besnik futbollistëve të tij dhe nuk rezervon surpriza në formacion. Sulmi mbetet sërish në duart e talentit Muçi, ndërsa porta i besohet Visar Bekajt, që do të ketë një detyrë me mjaft përgjegjësi për të ruajtur rrjetën të paprekur.
formacionet-yb-tirana.png
/Halit Delibashi-Sport Ekspres/
 
Kukësi për pak plas bombën në merkato, pak momente e ndajnë nga goditja e bujshmebandicam-2020-08-27-21-41-10-471-750x430.jpg

Boshti i ekipit të Kukësit është larguar gjatë kësaj dritareje transferimesh, duke bërë që nënkampionët e Shqipërisë të humbasin emrat më të spikatur të tyre. Diçka e tillë ka sjellë edhe kritikat e mëdha të tifozëve, të cilët nuk e kapërdijnë lehtë këtë eksod lojtarësh dhe duket se nuk janë bindur nga afrimet e reja.

Megjithatë klubi do të reagonte me një njoftim për shtyp se lëvizjet janë menduar mirë prej tyre dhe premtoi se po punohet për të rikthyer sërish titullin kampion. Madje edhe verë presidenti i nderit, Safet Gjici, do të shprehet se tifozët ende nuk kanë parë gjë akoma.
E momenti për të parë punën e madhe në merkato duket të jetë pranë. Kukësi për pak plas bombën dhe këtë e paralajmëron vetë nëpërmjet një postimi në faqen zyrtare. Verilindorët me sa duket kanë një suprizë të bukur për tifozët, duke premtuar një afrim të bujshëm në radhët e tyre, nga i cili pak momente na ndajnë.
Sport Ekspres/
 

“Kush e pagoi Donarumën”? Do e akuzonin se la ndeshjen e Milanit, pastaj feston si të ishte heroid99.png

Një ndeshje nga ato që përsëriten njëherë në dhjetë vite. Milani i Piolit ka eliminuar Rio Aven dhe shkon në grupet e “Europa League” pasi janë ekzekutuar 24 penallti, atje ku kishin mundësi që të godisnin edhe portierët. Megjithatë të dy gardianët kanë gabuar për ta dërguar topin shumë larg nga kuadrati. Ajo që është vënë re në ruletën ruse ishte “shuarja e Donarumës” që e kishte humbur tërësisht nuhatjen për pritjen e penalltive. Vetëm një penallti e pritur në momentin e fundit dhe në të gjitha rastet e tjera, Donaruma nuk ka arritur dot që të kuptojë as krahun, për të mos kërkuar më tepër.

Shumë më ndryshe nga portieri i Rio Aves që ka vendosur në presion psikologjik lojtarët e Milanit, kur duhej të ndodhte e kundërta, duke zgjedhur që të luajë me ta dhe në pjesën më të madhe të ekzekutimeve është afruar për t’i evituar golat, por pa ia dalë prej saktësisë së madhe të koordinimit. Dhe papritur Donaruma shfaqet duke pritur një penallti në çastin e fundit, atje ku nisi edhe festën si të ishte heroi i ndeshjes.

Por nga ana tjetër kishte edhe një moment që u diskutua nga shumë tifozë dhe akuzat do të ishin në majat më të larta nëse Milani do të eliminohej, teksa Donaruma e pret penalltinë dhe gabimisht e dërgoi topin vetë në rrjetë falë prekjes së tij. Ky moment është shpërndarë gjerësisht në internet, me aludimet që bien menjëherë pas kualifikimit të marrë pavarësisht pikëpyetje të ngritura. Gjithsesi ajo që duhet thënë me siguri është se nëse Milani kaloi në grupet e “Europa League”, më tepër duhet t’i jepet medalja pjesës së fatit sesa gardianit të tyre. /Sport Ekspres/
 
Me bast qe do i zgjasi deri ne shkurt? :p

Kete vit nisi nje muaj me vone, mos harro??
 
Ene ne dhjetor me nis kampionati interi 1 muj ka per detyr me fitu e tmushet mendja se i fito gjitha kompeticionet ??? por sa te kaloje viti i ri , aty sikur ju keputen kembet me gjith shpirtin zi-kalter ??
 
Ti me duket ishe me ate qe lozi me Rio Ave mbreme, apo jam gabim? ?
 
Kukësi për pak plas bombën në merkato, pak momente e ndajnë nga goditja e bujshmeShiko fotografinë 1758144

Boshti i ekipit të Kukësit është larguar gjatë kësaj dritareje transferimesh, duke bërë që nënkampionët e Shqipërisë të humbasin emrat më të spikatur të tyre. Diçka e tillë ka sjellë edhe kritikat e mëdha të tifozëve, të cilët nuk e kapërdijnë lehtë këtë eksod lojtarësh dhe duket se nuk janë bindur nga afrimet e reja.

Megjithatë klubi do të reagonte me një njoftim për shtyp se lëvizjet janë menduar mirë prej tyre dhe premtoi se po punohet për të rikthyer sërish titullin kampion. Madje edhe verë presidenti i nderit, Safet Gjici, do të shprehet se tifozët ende nuk kanë parë gjë akoma.
E momenti për të parë punën e madhe në merkato duket të jetë pranë. Kukësi për pak plas bombën dhe këtë e paralajmëron vetë nëpërmjet një postimi në faqen zyrtare. Verilindorët me sa duket kanë një suprizë të bukur për tifozët, duke premtuar një afrim të bujshëm në radhët e tyre, nga i cili pak momente na ndajnë.
Sport Ekspres/
Pse a din kuksjanet ca eshte futbolli a??‍♀️
 
Ik lozi me lekt e grumbullume te OSHEE moglush???
 

“Përse mungon Bekim Balaj?”! Mesatarisht shënon 1 gol në 1 vit, Reja nuk kishte nevojë për të folurBalaj-2.jpg

“Përse mungon Bekim Balaj? Nuk kam se çfarë të shoh prej tij, e lashë në shtëpi”! Kështu u shpreh trajneri Reja për të folur prerë dhe qartë përpara dy ndeshjeve të ardhshme të Shqipërisë. Pra ky është momenti për të parë elementet e së ardhmes dhe talentet e rinjë që nuk kanë mundësi më të mirë për të shpalosur aftësitë e tyre.
E nëse i kthehemi statistikave të Bekim Balajt te Shqipëria, nuk të ngrohin shumë për të kërkuar gabimin te vendimi i trajnerit. Nga viti 2014 në aktualin që ndodhemi, Balaj ka shënuar 7 gola me fanellën e Shqipërisë. E përkëthyer ndryshe do të thotë 1 gol në 1 vit, ndërsa në kohët e fundit ka zhgënjyer tërësisht me kuqezinjtë.

Një sulmues që qëndron statik në fushë dhe nuk vrapon thuajse për asnjë moment do të kritikohej edhe te Franca apo Gjermania, për të mos folur për Shqipërinë atje ku sulmuesi kryesor duhet të bëjë edhe detyrat e mesfushorit në një farë mënyre. Detyrë që më së miri e bën Cikalleshi me tërheqjen përpara të Kombëtares, pavarësisht statistikave mbi golat e shënuar. E në një moment të tillë padyshim që vendimi për të parë elemente si Vrioni, Broja dhe Kamberi mbetet për t’u duartrokitur. /Sport Ekspres/
 

Në Angli janë të sigurt, Tottenham po përgatit sulmin vendimtar për Skriniar​


skriniar-1024x576.jpg

Në Angli janë të sigurt, merkatoja e Tottenhamit nuk është mbyllur ende dhe drejtuesit e ‘Spurs”-ave po bëhen gati për një tjetër ofertë për mbrojtësin sllovak të Interit, Milan Skriniar.

Drejtuesit e klubit londinez ishin disa ditë më parë në Milano dhe takuan drejtuesit e Interit, por oferta e tyre ishte shumë më e ulët nga sa pretendojnë zikaltrit, megjithatë tani pritet që anglezët të zbarkojnë në Milano me një tjetër ofertë.

Koha deri në përfundim të merkatos është shumë e shkurtër dhe pikërisht për këtë arsye te Interi kanë mbajtur Andrea Ranocchian, për të mos u zënë të papërgatitur nga një largim i mundshëm i Skriniar.

Megjithatë që marrëveshja të mbyllet me sukses, Tottenham duhet të ofrojë të paktën 50 milionë euro për kartonin e sllovakut 25-vjeçar, që nuk po përshtatet dot me skemat e Contes, por që pëlqehet shumë nga Jose Mourinho.

Ky i fundit ka arritur të ndërtojë një skuadër mjaft interesante gjatë këtij sezoni të merkatos, duke sjellë në ekip emra si Bale, Reguilon, Doherty e Hojbjerg, ndërsa tani i mungon vetëm një qendërmbrojtës me eksperiencë, për të ngritur stekën e pretendimeve.
Supersport.al
 

Napoli nuk lejohet të niset drejt Torinos, shtyhet sfida me JuvenScreenshot_1-2.png

Napoli nuk niset për në Torino. Skuadra napolitane bllokua nga autoritet shëndetësore të Rajonit të Campanias pas infektimit me Koronavirus të Zielinskit, Elif Elmas dhe një dhe një bashkëpunëtori të klubit. Nisja për në kryeqytetin e piemontez ishte planifikuar në orën 19:00, por lojtarët më pas u kthyen në shtëpi me makinat e tyre dhe tani janë në izolim.

Një kaos i vërtetë, që çon automatikisht në moszhvillimin e supersfidës së “Allianz Stadium”, Juventus-Napoli. Gjithsesi, drejtuesit e klubit janë në kontakte të vazhdueshme për të kuptuar se çfarë do të ndodhë, por në kushte të tilla kuptohet që nuk do të luhet ndeshja e shumëpritur e kësaj fundjave.

Napoli kishte komunikuar përmes profilit të tij në Twitter se: “Tamponët e bërë këtë mëngjes janë të gjitha negative ndaj COVID-19. Njoftohet se rezultatet e 4 tamponëve të fundit do të jepen më vonë.”

Në 4 testet e fundit, rezultoi që mesfushori Elif Elmas ishte i infektuar me Koronavirus. U raportua se gjithçka ishte në rregull dhe se pjesa tjetër e ekipit do të udhëtonte drejt Torinos, ku të dielën në mëngjes do të kryente për herë të katërt tamopët, por vendimi i autoriteteve shëndetësore për të mos lejuar udhëtimin e ekipit ka prishur gjithçka. Tashmë Napoli duhet të qëndrojë 14 ditë në izolim.

SS.AL
 

Gasperini bën magji me Atalantën! Goleada rutinë për bergamaskët, shënon të parin edhe talenti i sapoafruaratalanta1-728x430.png

atalanta1-728x430.png

VIDEO/ Gasperini bën magji me Atalantën! Goleada rutinë për bergamaskët, shënon të parin edhe talenti i sapoafruar​

Antalanta vijon të dhurojë spektakël në Itali, ku mbretëron me futbollin e saj. Gasperini ka bërë një magji me këtë skuadër, që thjesht nuk di të ndalet në Serie A. Goleadat janë bërë rutinë për bergamaskët dhe rezultati i sotëm nuk sjell më çudi. 5-2 kanë shënuar shifrat në përballjen e sotme kundër Kaljarit.
Në festivalin e golave pati vend edhe për një talent të sapoafruar në Bergamo. Hollandezi 23-vjeçar, Sam Lamers ka tundur për herë të parë rrjetën me fanellën e Atalantas. Sulmuesi driblon në mënyrë fantastike mbrojtësin kundërshtar në zonë dhe më pas e dërgon topin pas shpinës së portierit. Atalanta merr kështu 3 pikët e radhës dhe udhëheq me pikë të plota në këto 3 javë të para. Ajo që bie dukshëm në sy është numri i golave të shënuar, plot 13 të tillë./Halit Delibashi-Sport Ekspres/
 

Attachments

  • atalanta1-728x430.png
    atalanta1-728x430.png
    509.4 KB · Shikime: 0
  • atalanta1-728x430.png
    atalanta1-728x430.png
    509.4 KB · Shikime: 0

Milani nuk kënaqet vetëm me fitore në kampionat, pranë firmës me mbrojtësin e Chelsea-trdw-644x430.jpg

Milani e ka nisur mjaft mirë sezonin 2020/2021, teksa arriti kualifikimin në grupet e Europa Ligës si dhe i ka fituar të treja ndeshjet në Seria A. Pavarëisht mungesave të rëndësishme si Romanjoli, Ibrahimoviç dhe Rebiç, kuqezinjtë po ja dalin mjaft mirë të shënojnë gola dhe të mbajnë rrjetën e paprekur. Megjithatë këto fitore nuk e kanë larguar qëndrimin e drejtuesve të Milanit të sigurojnë firmën e një mbrojtësi cilësor
Sipas “Transfermarkt”, Milani është shumë pranë nënshkrimit të mbrojtësit të Çelsit, Antonio Rudiger. Gjermani 27 vjeçar nuk po gjen dot hapësira tek formacioni i Lampard dhe ka pranuar një transferim në Itali. Duhet theksuar se mbrojtësi qëndror e njeh mjaft mirë këtë kampionat, pasi më parë ka milituar në radhët e verdhekuqve të Romës, aty ku pati dhe një superformë.

Me një Romanjoli të dëmtuar, Rudiger mund të zinte menjëherë pozicionin e titulluarit, pasi Gabia është pa eksperiencën e duhur dhe gjithashtu Musakio nuk është në formën e tij më të mirë. /-Sport Ekspres/
 
Shkurt -
Kluivert te Leipzigu, Man. United siguron talentin 18-vjeçar
34023890-0-image-a-100_1601937960162.jpg

●Pasi dështoi të merrte Milon Rashicën nga Werder Bremeni, Leipzig arriti të siguronte një përforcim për krahët e sulmit. Bëhet fjalë për holandezin Justin Kluivert, i cili u transferua nga Roma në formë huazimi për një sezon pa të drejtë blerjeje, i cili bashkë me Sorloth, që u ble nga Crystal Palace, kompensojnë largimet e Werner dhe të Schick. Kluivert u shpreh tepër i kënaqur për këtë lëvizje, pasi dot ë ketë më shumë hapësira, ndërsa një arsye që zgjodhi Leipzigun, sipas tij, është edhe trajneri Nagelsmann me stilin e tij të lojës.B910A01B-EC96-46CF-8A4B-761009202711.jpeg
●Manchester United nuk arriti të blinte as Jadon Sanchos e as Dembelenë për të përforcuar sulmin, por gjithsesi e mbylli merkaton me një goditje në perspektive. “Djajtë e Kuq” nënshkruan me talentin Facundo Pellistri, një nga lojtarët më të ndjekur nga disa klube të mëdha si Bayerni i Mynihut, Barcelona, Arsenali dhe Lyoni.

Drejtuesit e klubit anglez arritën ta mbyllnin marrëveshjen me Penarol pak para gongut të merkatos, duke paguar 10 milionë stërlina për sulmuesin 18-vjeçar i cili nënshkroi për 5 sezone.

Vlen për t’u theksuar që uruguajani do të jetë i grumbulluar menjëherë me ekipin e parë e nuk përjashtohet mundësia që të aktivizohet në Premier League në ndeshjet e radhës.Facundo-Pellistri-Man-United-Penarol.jpg

●Jeff Reine-Adélaïde më në fund u largua nga Lyoni. Mesfushori francez, që prej kohësh kishte kërkuar të shitej nga klubi, pasi nuk vlerësohej sa duhej nga Rudi Garcia, do të luajë po në Ligue 1 me ekipin e Nice. Kjo e fundit nisi ofensivën në ditën e fundit të merkatos duke parakaluar Rennes në garën për shërbimet e mesfushorit francez, i cili afrohet në formë huazimi me të drejtë blerjeje për 25 milionë euro, në bazë të rezultatreve dhe paraqitjeve të lojtarit.
jeff-reine-adelaide-lyon_1wz5iickqnq0z14ktz6lcy2ls2-1024x683.jpg
 

Deputeti i Kosovës thirrje Qeverisë shqiptare, Haxhiu: Ligjin e sponsorizimeve e keni të gatshëm nga ne, nuk ka nevojë për përkthyessuperiore-750x430.png

superiore-750x430.png

Deputeti i Kosovës thirrje Qeverisë shqiptare, Haxhiu: Ligjin e sponsorizimeve e keni të gatshëm nga ne, nuk ka nevojë për përkthyes​

On Oct 6, 2020
0
Share
Kërkesat e Ligës Profesioniste të Futbollit vazhdojnë të mbeten pezull nga Qeveria shqiptare, që refuzon t’i miratojë dhe t’i japë një frymëmarrje sportit vendas. Ligji aktual i sponsorizimeve ka nevojë për ndryshime, pasi nuk i nxit bizneset të investojnë paratë e tyre në botën e sportit. Ligji i Kosovës ka qenë gjithnjë një shembull i mirë për t’u zbatuar edhe në Shqipëri.
Tashmë është edhe vete Deputeti i Kuvendit të Kosovës, Bekim Haxhiu, që në një intervistë për “TV Klan” i bën thirrje të fortë Qeverisë Rama të aplikojë ligjin e tyre për sportin shqiptar. Haxhiu thekson se rezultatet prej këtij ligji janë tashmë të prekshme dhe shihen nga të gjithë, ndërsa shton se në Shqipëri e kanë gjithçka të gatshme dhe mjafton ta kopjojnë prej Kosovës.
– Sa kohë u desh që të miratohej ligji për sponsorizimet?
– Ligji për sponsorizimin si çdo ligj tjetër ka procedurat e tij parlamentare, votimin e parë dhe votimin e dytë. Por te ligji për sponsorizim kishte pak vështirësi, sepse duhej të harmonizohej edhe ligjin për tatimin në të ardhura korporate dhe tatimin të ardhura personale. Dhe kjo ka marrë pak më shumë kohë në raport me ligjet e tjera.
Por debatin e parë për sportin ne e kemi organizuar në vitin 2012. Isha bashkë me kolegen Vjollca Krasniqi, kur organizuam debatin e parë për ligjin në parlamentin e Kosovës dhe ku nxorrëm disa prej rekomandimeve dhe një ndër to ishte edhe miratimi i ligjit për sponsorizim dhe ligji kundër huliganizmit. Të dy këto ligje në parlamentin e Kosovës tanimë i kemi miratuar dhe janë në funksion.
– Si u arrit kuota prej 30%?
– Lirimi në tatim–fitim prej 30% ka qenë pas një konsultimi të gjerë me komunitetin e sportit, nevojën që të rriten investimet në sport, sepse në buxhetin e Kosovës, përafërsisht llogaritej që nga tatimi në fitim hyn prej 80 deri në 90 milionë në vit dhe ky 30% është nga kjo sasi, pra mund të lirohet, të investohet drejtëpërdrejtë në sport.

Që mos të jetë si mënyra e mbështetjes dhe investimit në sport ajo që ka qenë në kohën e komunizmit ku shteti i ka investuar aktivitetet dhe klubet sportive dhe federatat. Tani jetojmë në demokraci dhe duhet që përmes ligjeve, të cilat i favorizojnë investimet në sport, pra lirimet në sponsorizim dhe mbështetja përmes reklamimit. Janë dy gjëra që ne i kemi parashikuar në ligjin për sponsorizim. Të ardhurat nga sponsorizimi janë të ardhura të patatueshme për klubin, ndërsa të ardhurat nga reklamat janë të tatueshme për klubin, për përfituesin në këtë rast.

– Si ndikoi ky ligj në sportin e Kosovës?

– Ju po e shihni që vitet e fundit ka një rritje të cilësisë dhe kualitetit në sport, pra investime dhe mbështetje të sponsorëve në klub. Kompani të rëndësishme janë lidhur me klubet kosovare dhe kanë ndikuar në rritjen e kualitetit dhe cilësisë. Pra, ai 25-30 milionë që ka shkuar drejtëpërdrejtë në arkën e shtetit dhe pastaj shteti ka vendosur se ku t’i investojë ato, tani është e drejtë e kompanive se në cilat klube dhe kë duan të mbështesin.

– Si vlerësoni ju, a do t’i vlente ky ligj Shqipërisë?

– Ne kemi marrë shembuj të mirë, edhe nga Gjermania dhe nga Kroacia. Besoj që edhe Shqipëria tani duhet ta marrë shembull Kosovën, që të ketë një mbështetje më të fuqishme për sportin. Unë uroj që edhe kolegët e mi, deputetët e parlamentit të Shqipërisë, të marrin iniciativën. Ligji ynë është një ligj i mirë, nuk ka nevojë për përkthyes, e kanë të gatshëm edhe mund t’ia përshtasin sistemit ligjor të Shqipërisë./Sport Ekspres/
 

Konkursi Letërsisë

  • 1-Kur flet shpirti.

    Votat: 6 27.3%
  • 2-Buzëqeshje Maskuar.

    Votat: 12 54.5%
  • 3-Jam femër.

    Votat: 2 9.1%
  • 4-Je ti Nënë.

    Votat: 1 4.5%
  • 5-Ne duart e kohes.

    Votat: 1 4.5%
Back
Top