Kukësi është në histori. Ekipi që pakkush besonte se do të kishte një histori kaq të shpejtë suksesi, jo vetëm që arriti të realizojë ëndrrën e tij por brenda të parit sezon në Europë mundi të shkruajë dhe historinë e të gjithë futbollit shqiptar, duke ngritur një mur në lindjen e largët, duke mbrojtur me mish e me shpirt fitoren e shtatë ditëve më parë në “Qemal Stafa”.
Në Donetsk skuadra e Armando Cungut pëson humbjen më të ëmbël, atë që e çon në play-off-in e Europa League. Mundet 1-0 nga Metalurhu pas një 90-minutëshi epik në rezistencë, me 10 veta për më tepër në 20 minutat e fundit, duke besuar gjithmonë se e pamundura mund të arrihet dhe se ëndrrat mund të bëhen realitet dhe për ne shqiptarët. Me një formacion dukshëm të prirur për të bërë një ndeshje të zgjuar, kuksianët luajnë me dinakëri në fillimin e ndeshjes, me Metalurhun që nuk e asfikson në gjysmëfushën e tij, e verilindorët që bëjnë presion nga larg.
Për më tepër dhe fati duket se i buzëqesh, kur në minutën e 18-të, një top i devijuar përfundon në traversën e Halilajt. Gjithsesi vendasit arrijnë të zhbllokojnë rezultatin në minutën e 26-të, me Dimitrov që finalizon një aksion kryevepër. Deri në fund duhen dhe 75 minuta dhe Kukësi duket se frikësohet e tërhiqet pas por duke ngritur një mur para sulmeve të ukrainasve. Halilaj është i pakalueshëm, ndërsa hapësirat e veprimit në zonën e kuksianëve janë me pikatore, aq sa ukrainasit e kanë të vështirë të gjejnë rrugën e rrjetës. Kukësi dhe në kampionat ka treguar se mbrojtjen e ka pikën e tij të fortë, dhe mbrojtja do të vihet në provë serioze në gjithë fraksionin e dytë, kur të gjithë me radhë nga Laziç, e deri te Dimitrov do të provojnë të gjejnë golin që do të çojë sfidën në shtesë, por nënkampionët e Shqipërisë rezistojnë. Në 15 minutat e fundit, Malindi lë ekipin me 10 vetë duke dalë nga fusha me karton të kuq. Për Kukësin tani nevojitet 15 minuta prej heronjsh dhe në fakt ekipi i Cungut përpiqet të mbërthehet pas çdo minute. Tetë minutat e fundit, ato të shtesës janë dhe minutat e historisë, të cilat Kukësi I luan me forcën e ëndrrës së tij deri në vërshëllimën e fundit, që çliron mbi tapetin e stadiumit “Metalurh” shpërthimin e festës kuksiane. Kukësi e bëri realitet ëndrrën, sepse besoi në mrekulli.
/S.Sport
Në Donetsk skuadra e Armando Cungut pëson humbjen më të ëmbël, atë që e çon në play-off-in e Europa League. Mundet 1-0 nga Metalurhu pas një 90-minutëshi epik në rezistencë, me 10 veta për më tepër në 20 minutat e fundit, duke besuar gjithmonë se e pamundura mund të arrihet dhe se ëndrrat mund të bëhen realitet dhe për ne shqiptarët. Me një formacion dukshëm të prirur për të bërë një ndeshje të zgjuar, kuksianët luajnë me dinakëri në fillimin e ndeshjes, me Metalurhun që nuk e asfikson në gjysmëfushën e tij, e verilindorët që bëjnë presion nga larg.
Për më tepër dhe fati duket se i buzëqesh, kur në minutën e 18-të, një top i devijuar përfundon në traversën e Halilajt. Gjithsesi vendasit arrijnë të zhbllokojnë rezultatin në minutën e 26-të, me Dimitrov që finalizon një aksion kryevepër. Deri në fund duhen dhe 75 minuta dhe Kukësi duket se frikësohet e tërhiqet pas por duke ngritur një mur para sulmeve të ukrainasve. Halilaj është i pakalueshëm, ndërsa hapësirat e veprimit në zonën e kuksianëve janë me pikatore, aq sa ukrainasit e kanë të vështirë të gjejnë rrugën e rrjetës. Kukësi dhe në kampionat ka treguar se mbrojtjen e ka pikën e tij të fortë, dhe mbrojtja do të vihet në provë serioze në gjithë fraksionin e dytë, kur të gjithë me radhë nga Laziç, e deri te Dimitrov do të provojnë të gjejnë golin që do të çojë sfidën në shtesë, por nënkampionët e Shqipërisë rezistojnë. Në 15 minutat e fundit, Malindi lë ekipin me 10 vetë duke dalë nga fusha me karton të kuq. Për Kukësin tani nevojitet 15 minuta prej heronjsh dhe në fakt ekipi i Cungut përpiqet të mbërthehet pas çdo minute. Tetë minutat e fundit, ato të shtesës janë dhe minutat e historisë, të cilat Kukësi I luan me forcën e ëndrrës së tij deri në vërshëllimën e fundit, që çliron mbi tapetin e stadiumit “Metalurh” shpërthimin e festës kuksiane. Kukësi e bëri realitet ëndrrën, sepse besoi në mrekulli.
/S.Sport
.......te shohim sot shorteun me ke do jet ne play off urime per rekordin e pare ne histori te futbollit shqiptar