Në disa raste drejtësia nuk vonon. Me siguri këtë do kenë menduar edhe këta hajdutë biçikletash në Brazil, të cilët janë bërë pjesë e një skene të përgatitur më parë, ndërsa kanë rënë viktimë në të.
Në një video të publikuar së fundmi në “Youtube”, duket qartë se si hajdutët kanë rënë pre e kurthit të ngritur, madje janë bërë edhe mjaft qesharak.
Biçikleta ishte lënë pranë një peme, ndërsa ata pasi i afrohen nuk mendohen dy herë, por e marrin e atë dhe tentojnë të largohen me shpejtësi. Në 5-6 metrat e para duket se ata ia arritën qëllimit, por nuk është kështu. Biçikleta ishte e lidhur në trungun e pemës me një litar i cili e ndalon atë menjëherë, ndërsa hajduti bën një rënie spektakolare në pjesën e përparme të saj.
Por nuk kishte mbaruar këtu, pasi personat që kishin ngritur kurthin për hajdutët i lëshohen për t’i kapur ndërsa ata largohen me shpejtësi.
Pas këtij zhgënjimi, hajdutët në Brazil me siguri do të mendohen dy herët kur të tentojnë të vjedhin një biçikletë.
/ Top Channel