KQZ: Deri në orën 13:00 kanë votuar 35,24% e zgjedhësve

TIRANE- Komisioni Qëndror i Zgjedhjeve ka publikuar pjesëmarrjen në votime deri në orën 13:00 duke theksuar se deri në këtë orë kanë votuar 35.24 përqind e zgjedhësve.

Në një deklaratë për mediat, zëdhënësja e KQZ, Drilon Hoxhaj ka sqaruar se procesi nisi normalisht me hapjen e qendrave të votimit në orën 07:00 në mbarëvendin. Zëdhënësja e KQZ, Hoxhaj ka bërë një përmbledhje të situatës në vend duke pasqyruar ecurinë e procesit të votimit në shkallë vendi, si dhe duke njoftuar per vonesat rreth hapjes së qendrave, problemeve të para dhe pjesëmarrjen në votime sipas ZAZ-ve.

“Në qarkun Tiranë nga 785.086 votues me të drejtë vote deri në orën 13:00 kanë votuar 5.546 votues ose 34,97%, në qarkun e Gjirokastrës nga 122.039 votues me të drejtë vote deri në orën 13:00 kanë votuar 9.290 votues ose 35,41%. Tre qendra votimi në Dukagjin janë hapur me vonese. Në fshatin Mollas në ZAZ numër 46 mungonin fletët e votimit dhe për pasojë procesi ka nisur me vonesë. Në 5 qendra votimi në Lac janë ndërprerë në orën 8:30 minuta”- tha Hoxhaj.

KQZ: Të dhënat e para rreth pjesëmarrjes në votim
ZAZ 23, 22.2%

ZAZ 50, 6.38%

ZAZ 13, 21.52%

ZAZ 4, 19.75 %

ZAZ 29, 17.28%

ZAZ 33, 18.93%

ZAZ 85, 11.32%
(e.m/BalkanWeb)