Titulli: Kopja perfekte -sozia
Thuhet që çdo njeri ka deri në 40 persona të cilët ngjasojnë shumë me të. Po, shumë njerëz kanë sozitë e tyre anembanë botës. Megjithatë, askush nuk do t’ia dijë për sozitë e tij, përveç rastit kur sozitë kanë të bëjnë me personalitete të shquara, aq më tepër, me presidentë vendesh të ndryshme. Sot akoma flitet për Sadam Hysenin, nëse është gjallë apo jo, nëse i ekzekutuari ishte sozia e tij, apo vetë Sadami. Më parë, është folur gjerë e gjatë për Hitlerin, për të cilin thuhet se vetëvrasja e tij ishte thjesht një truk, për tu hedhur hi forcave aleate. Pothuaj për të gjithë liderët diktatorë, thuhet se jetojnë në vila dhe ishuj luksi, të rrethuar nga kënaqësi pafund. Përgjithësisht, ata që përngjasojnë kaq shumë me krerët e shteteve, janë njerëz që vijnë nga shtresa të thjeshta të popullsisë, fukarenj.
Në Kuvajt, punëtori i krahut nga rajoni Ehvaz në Iran, nuk njihej nga askush, derisa një ditë kamera e një gazetari e fokusoi dhe e publikoi foton e tij në media. Megjithatë, aq ishte, një ditë, të nesërmen ai vazhdoi punën e tij në ndërtim.
Shiko fotografinë 1850619
Qytetari jemenas, Muhamed Abdullah të tërhiqte vëmendjen e popullit egjiptian, të cilët e morën për ish presidentin e tyre Mubarak. Ata e rrethuan dhe përkohësisht, besuan se ish presidenti i tyre kishte dalë nga burgu, për të mos thënë që nuk kishte qenë fare atje. Ai mezi ua mbushi mendjen, duke u treguar pasaportën e tij dhe se kishte ardhur në Kajro për të vizituar të afërmit.
Shiko fotografinë 1850620
Por edhe presidentit aktual të Egjiptit, Muhamed Morsi, ia gjetën menjëherë sozinë, i cili u bë publik gjatë muajit të Ramazanit të shkuar, teksa u shfaq mes njerëzve në protesta. Përveç pamjes, ai e imiton presidentin Morsi edhe në fjalët më të përdorura prej tij, si ato:”Familja dhe njerëzit e mi! U dua shumë të gjithëve!” kur i drejtohet popullit.
Shiko fotografinë 1850621
Indoneziani Ilham Enes, 34 vjeç, është personi që përngjan më së shumti me presidentin amerikan, Barak Obama. Ai është sozia e vetme, i cili e shfrytëzoi këtë rastësi për ti bërë reklamë vetes, pas kushedi sa vitesh dëshpërim për imazhin e tij, sa herë që dilte para pasqyrës. Ai filloi menjëherë të shfaqej në reklama të shumta, ku reklamonte mallra dhe produkte të rajonit të Lindjes së Largët.
Shiko fotografinë 1850622
Sozia e presidentit sirian, Bashar Asad, u kap nga Ushtria e Lirë, e cila menjëherë publikoi lajmin se kishte kapur pikërisht presidentin e vendit. Në fakt, sozia e Asad, nuk ishte shumë larg pushtetit, pasi punonte pilot në flotën ajrore të regjimit. Forcat e Ushtrisë së Lirë, e kishin rrëzuar avionin e tij dhe e morën peng, edhe pse në fakt donin të kapnin jo sozinë, por kopjen origjinale.
Shiko fotografinë 1850623
Themeluesi i revolucionit iranian, Khomeini, ka dhe ai sozien e tij, i cili është ylli hollivudian Sean Connery. Kur fokusohesh tek detaje të fytyrës së dy personaliteteve, vetëm tek hunda do të dallosh disa dallime, sakaq të tjerat janë shumë të ngjashme.
Shiko fotografinë 1850624
/ao
.