Që të ndjehesh i çlodhur ditën tjetër nevojiten të paktën 7 orë gjumë i rehatshëm dhe këtë duket se e di mirë Mark Bertolini.
Ai drejton kompaninë Aetna në Shtetet e Bashkuara, kompani që vepron në tregun e sigurimeve shëndetësore.
Duke folur për CNBC, Bertolini pretendon se ka gjetur kurën e motivimit dhe performancës për të gjithë vartësit e tij. Cila është? Pagesa për orët e gjumit.
Ai thotë se paguan me 25 dollarë në natë të gjithë punëtorët që i provojnë se kanë fjetur 7 orë gjumë për 20 ditë me radhë.
“Mund të përfitojnë deri në 500 dollarë ekstra në vit”, thotë ai.
Bertolini shprehet i kënaqur me performancën e vartësve të tij dhe thotë se që prej kohës kur është vendosur ky rregull ka një rritje të produktivitetit dhe cilësisë së shërbimeve të ofruara nga kompania që ai drejton.
/ Top Channel