Kombinimi i të bardhës dhe të zezës

Koleksionet e paraqitura në Javën parisiene të modës, kanë treguar se e zeza është njëlloj romantike, sikur e bardha

Kombinimet bardhezi, nga sezoni në sezon, paraqesin dëshmi se disa trendë kurrë nuk bien në harresë. Ky sinonim për elegancë dhe vetëdijesim të modës, propozohet nga disenjatorët edhe për pranverë/verë 2009. Gjykuar sipas koleksioneve të paraqitura në Javën parisiene të modës, rrobat e zeza mund të jenë romantike sikur ato të bardhat, derisa e bardha gjithnjë e më shpesh merr kundërshtitë e të zezës. Kombinimi i tyre ideal është paraqitur edhe nga disenjatori indian Rajesh Pratap Singh. Këmisha e tij e bardhë dhe pantallonat e zinj, janë shembull shkollor sesi mund ta evitoni përshtypjen e uniformitetit dhe, me stoli, flokë dhe grim adekuat, ta theksoni tërë bukurinë e këtij kombinimi. Disenjatori italian-anglez, Antonio Berardi, inspirimin e ka gjetur nga kujtimet e fëmijërisë. Në revynë parisiene të tij, në pistë janë parë modele me fustane të bardha romantike, të stolisura me dizajne lulesh, të cilat, të kënaqura me feminilitetin e tyre, rrezatonin me bukuri. Prirjen tashmë të njohur ndaj materialeve të pazakonta, përsëri e ka treguar disenjatorja irlandeze, Sharon Vaukob. Kështu, në fustanet e bardha/të “ndotura”, haset materiali i ngjashëm me puplat më të rafinuara, kurse topat e zinj janë bërë nga tyli i tejdukshëm, i cili duket si rrjet merimange. Për këtë shkak, për sezonin e ardhshëm, mund ta freskoni stilin me kombinimin e të bardhës së ashpër dhe të zezës romantike... "Kosova Sot.

Eshte nje kombinim i bukur, por sikur do me pelqente dhe nje gje e kuqe ne kte monotoni non gjurash!