Edna dhe Simon Martin u martuan në vitin 2005, shumë kishin dyshime nëse marrëdhënia do zgjaste.Edna ishte 70 dhe Simoni vetëm 32. Por çifti i lumtur nuk ka lejuar që hapësira prej 38 vitesh mes tyre t’i pengojë- madje ka ndodhur e kundërta. Ata janë aq të lumtur sa kanë rinovuar betimet e martesës në shtëpinë e tyre në Somerset, Britani. Martesa e tyre atëherë pati shkaktuar debat në mbarë vendin. Ajo ishte portretizuar si një gjyshe grabitqare, kurse Simon si një naiv i virgjër. Por ata treguan se janë një çift perfekt dhe se e duan njëri- tjetrin më shumë se kurrë- çka e demonstrojnë edhe me rinovimin e betimeve. Edna mbante veshur të njëjtin fustan të purpurt si ditën e martesës dhe shpërtheu në lot kur u bënë betimet. Kurse Simon- një gjeni në muzikë- luajti një pjesë nga Abba, atë me titullin Mamma Mia. اifti thotë se dashuria lindi mes tyre në vitin 2003. Ata pranojnë se ishte dashuri me shikim të parë. “Por tani marrëdhënia jonë është më e thellë. Ne jemi më të fortë bashkë. Dhe për më tepër akoma kemi një tërheqje të fortë fizike mesh nesh,” qesh ajo. “Ne puthemi rreth 150 herë në ditë. I mbajmë duart shtrënguar, madje flemë me duart e bashkuara”. Kurse Simon shton: “Përpara se të takoja Ednën, isha i tërhequr dhe nuk kisha miq. Ajo më tregoi se çfarë është jeta”. Simon nuk kishte pasur kurrë një të dashur para Ednës dhe jetonte me prindërit. Edna thotë se jeta me Simonin është një magji.//FaceBook.com
