braziljania
Anëtar i Nderuar
Rrenoja qe doemos te çojnë te gjurmet e Tiranës se vjetër! Por, ne c'shekull na çojnë rrenojat e kalase qe dolen ne pah vetëm një muaj e gjysmë me pare, ne vijim te kalase se Toptanasve?! Kane qenë gati te gjithë njezeri deri me tani, duke pohuar se rrenojat e kalase datojne ne shekullin II. Mirëpo, ish-drejtori i Institutit te Monumenteve te Kultures, Gjerak Karaiskaj, mendon ndryshe. Ai pohon se "kalaja daton ne shekullin XVIII, dhe për këtë nuk kam pikë dyshimi. Kjo verehet jo vetëm nga mënyra e ndërtimit, kushtet historike te qytetit, por edhe nga germimi qe është bërë". Kjo është edhe teza me e re e hedhur për datimin e rrenojave te kalase se Tiranës. Ndërsa vetëm një ditë pas daljes ne pah te rrenojave te kalase, arkitekti restaurator, Sulejman Dashi, u shpreh: "Teknika e ndërtimit është me gurë te medhenj, si kalaja e dikurshme. Gjurmet arkeologjike na treguan qe mund te jetë një kala romake e shekullit II ose III te eres sone". Dy teza qe e kundërshtojnë njera-tjetrën, njera qe na con ne shekullin II dhe tjetra ne shekullin XVIII. Punimet e rrugës dhe germimet për kalane janë nderprere aktualisht, pasi janë specialistet e bashkisë me urbanistet gjermane qe po punojnë për te zgjidhur çështjen e devijimit te rrugës. Me pas do të jenë arkeologet dhe studimet e tyre qe do të mirepercaktojne kohën kur datojne rrenojat e kalase se Tiranës.
Koha Jone
Koha Jone
