Arfenilla
Themelues i Forumit
Folikulën e qimeve, të rritur nga qelizat burimore të njerëzve të rritur, japonezët e kanë transplantuar në minjtë pa qime, dhe ajo shumë shpejt ka filluar të rritet dhe “të sillet” si flok i vërtetë.
Në horizont është ilaçi revolucionar për tullacët, kanë deklaruar shkencëtarët japonezë nga Universiteti Tokyo, të cilët për herë të parë kanë arritur të rrisin flokët në minjtë tullacë. Ata me bioinxhinieri nga qelizat burimore kanë krijuar folikulat e qimeve të cilat pastaj janë transplantuar në lëkurën e minjve pa qime, shkruan New York Daily News.
Me kalimin e kohës qimet në minj kanë filluar të rriten dhe janë rigjeneruar në ciklet normale të rritjes, ku kanë rënë qimet e vjetra, ndërsa të rejat janë rritur.
“Tek kultivimi i indit ose organeve nga qelizat burimore, ato zakonisht duhen të merren nga embrioni, mirëpo ne kemi arritur të rrisim folikulat e qimeve nga qelizat burimore të të rriturve”, ka thënë udhëheqësi i ekipit të shkencëtarëve, Koh-ei Toyoshima.
Ka shpjeguar se si me kombinimin e teknologjive të reja dhe ekzistuese në mënyrë të konsiderueshme mund të përmirësohen trajtimet për shërimin e tullacëve, por edhe zbulimi i tyre ka afruar mundësinë e rritjes së organeve nga qelizat burimore të të rriturve.
Hulumtimet klinike në njerëz do të fillojnë për tri deri pesë vjet, ndërsa shkencëtarët japonezë besojnë që ky trajtim për pacientët mund të jetë në dispozicion në dhjetë vjetët e ardhshëm.