Ja edhe biçaku Swiss Army i kohës së sotme

Nëse nuk keni parë kurrë një gjë të tillë, me keqardhje ju them që nuk është i pari që qarkullon.

Kompania e famshme e instrumenteve të preçizionit dhe orëve Victorinox, ka publikuar edhe më parë në treg pajisje të ngjashme me këtë.

E veçanta e këtij biçaku nuk është memoria USB që ai ka, por siguria e lartë e të dhënave në të.

Kompania deklaroi që memoria USB është nga më të sigurtat në botë për sa i përket materialeve që janë në të.

Kompania për të testuar sigurinë e saj ftoi një grup hackerash profesionistë, duke i ofruar një çmim prej 100.000 euro për atë që arrinte të merrte të dhënat nga një biçak i tillë.

Memoria USB e biçakut ka një sistem shumë të veçantë sigurie, me regjistrues dhe dallues të shenjave të gishtërinjve, e cila njeh vetëm ato të të zotit.

Gjithashtu ajo ka edhe një sistem me aftësi vetë-shkatërruese, në rastet kur ka shumë tentativa të pasuksesshme për të marrë të dhënat nga memoria.

Kjo zgjedh të keqen më të vogël, duke e bërë çipin të papërdorshëm, por duke ruajtur sekretin e të dhënave tuaja.

Asnjë datë nuk dihet akoma për daljen në treg të këtij biçaku, por ka të dhëna për çmimin që do të ketë në Britani.

Për kapacitetet 8-32 GB, çmimi do të luhatet nga 75 dollar – 270 dollar.