Nuk mundem pa ty” ose “It’s all about you”, kënga e Ardit Gjebresë dhe Pirro اakos, interpretuar me shumë dashuri nga Juliana Pasha, fituese e festivalit të 48 të RTVSH, renditet e 88-a në listën prej 250 këngëve më të dëgjuara të Eurovizionit. Kënga shqiptare dhe interpretuesja janë shumë pranë emrave gjigant të muzikës botërore si Celine Dion, e cila renditet e 64-a, Mia Martini në vendin e 66, Gigliola Cinquetti në vendin e 71 ndërsa ka lënë pas shumë emra të tjerë të njohur si Ana Visi, Umberto Tozi...
Në edicionin e sivjetshëm për 250 këngët më të mira të “Eurovizionit”, votat më të shumta i ka marrë kënga serbe “Lane Moja”. Sondazhi është kryer nga Eurovision Song Contest Web Radio dhe si bazë ka votimin internacional për këngën më të pëlqyer. “It’s all about you”, këtë verë ka qenë hit në variantin e saj dance në diskotekat evropiane, po edhe në ishullin e çmendur, Ibiza.
E dyta nga këngët shqiptare më të preferuara në top 250 në Eurovizion është Olta Boka në vendin e 104, Kejsi Tola në vendin e 123, Anjeza Shahini 132 dhe e fundit nga shqiptaret në klasifikim Aurela Gaçe e cila renditet në vendin e 225-të. Megjithatë 4 këngë shqiptare ndër 250 më të zgjedhurat në gjithë kompeticionet e “Eurovizionit”, nuk është pak.
(er.nu/Bluetooth/BalkanWeb)