Itali, zbulohet varri etrusk 2600-vjeçar me sende të ndryshme

Në Tarquinia të Italisë është zbuluar një varr i paprekur etrusk i shek. të VI p.e.s. Brenda varrit 2600 vjeçar, gjendeshin kockat e një princi dhe objekte të ndryshme edhe në ar.

Princi në varr besohet se është i afërm i Tarquinius Priscus, mbretit të pestë të Romës.

Trupi i princit etrusk, gjendej në një krevat prej guri. Atij gjithashtu i ishte vendosur një heshtë mbi trup. Tek këmbët e tij gjendej një pjatë me ushqim me mbetjet e të cilit ishin ende aty, si dhe një legen me ujë për të larë duart pas vaktit ushqimor.

Etruskët krijuan qytetërimin më kompleks në Itali para romanëve. Fillimet e tyre datojnë rreth vitit 900 p.e.s. dhe shtriheshin thuajse në të gjithë Italinë e sotme gjatë shek. të V-të, por historia e tyre është ende një mister.

Ky zbulim do të shërbejë për të kuptuar më shumë rreth jetës, kulturës së botës së lashtë, gjithashtu edhe mënyrës se si varroseshin njerëzit në ato kohë.

Një nga veçoritë e këtij varri, ishte një vazo e vogël e varur në mur me një gozhdë. Besohet se brenda saj kishte pomadë.

Shiko fotografinë 1426634

(Shqiptarja.com)

Titulli: Itali, zbulohet varri etrusk 2600-vjeçar me sende të ndryshme

Qendra e etruskeve ka qene, sot Lazio e Toscana. Ka mjaft varre pothuajse ne cdo komune e per rreth si Volterra, Grosseto, Siena etj, fshatra dhe ndertime te rindertuara disa here ne shekuj ku banojne edhe sot njerzit brenda. Eshte vertete emocionuese kur shkel me kembe kalldremet edh prek me dore guret e mureve te mijra vite me pare..