Irani dhe SHBA: Shqipëria e vogël në mesin e një loje të madhe
Kryelajmi që ka dominuar në median ndërkombëtare këtë fundjavë lidhet sërish me memot që kanë rrjedhur nga ambasada britanike në SHBA. Gazeta Daily Mail ka publikuar memot e ish-ambasadorit Sir Kim Darroch, i cili thotë se presidenti Donald Trump u tërhoq nga marrëveshja bërthamore me Iranin për inat të paraardhësit të tij, Barack Obama.
Darroch thotë se kjo lëvizje ishte një ‘vandalizëm diplomatik’. Memoja është shkruar pasi ish-ministri i jashtëm britanik, Boris Johnson vizitoi SHBA në vitin 2018, për t’u kërkuar Uashingtonit që të mos tërhiqej nga marrëveshja.
Por Trump u tërhoq duke shpërfillur kërkesat e aleatëve europianë. Prej atëherë, tensionet mes SHBA dhe Iranit kanë kapur majat, madje para disa javësh u përfol se SHBA mund të ishte në prag të një sulmi ushtarak mbi Iranin.
Nga ana tjetër, që kur ka ardhur në pushtet, Trump ka ndihmuar gjithmonë e më shumë një grupim iranian, që lufton për rrëzimin e regjimit. Organizata MEK ka ngritur një qendër në Shqipëri, ku janë të strehuar së paku 3 mijë muxhahedinë.
Kështu, Shqipëria e vogël e gjen veten në mesin e një shahu të madh global. Organizata MEK pretendon se është qeveria që do të zëvendësojë regjimin e mullahëve në Teheran pasi ata të rrëzohen nga pushteti.
Këtë fundjavë, Shqipëria ishte e mbushur me personazhe të rëndësishme nga mbarë bota, që përkrahin këtë organizatë.
Mes të ftuarve ishte edhe avokati personal i Trump, Rudy Giuliani, por edhe ish-senatori Joe Lieberman.
Në fjalimin e tij, Giuliani tha se rezidentët iranianë në Shqipëri janë luftëtarë të lirisë. Nga Tirana, ai i bëri thirrje vendeve si Gjermania dhe Franca që të mbështesin shkëputjen e lidhjeve me mullahët.
“Zgjohuni, kur blini naftë nga Irani po financoni vrasësit,” tha ai.
Në Shqipëri ka përfunduar tashmë ngritja e kampit Ashraf-3, ku janë strehuar luftëtarët e rezistencës iraniane. Bëhet fjalë për një qytet të supermbikëqyrur, me parqe, restorante, pishina dhe salla konferencash. Dy kampet e mëparshme Ashraf kanë qenë në Irak.
Ballkanwb
Kryelajmi që ka dominuar në median ndërkombëtare këtë fundjavë lidhet sërish me memot që kanë rrjedhur nga ambasada britanike në SHBA. Gazeta Daily Mail ka publikuar memot e ish-ambasadorit Sir Kim Darroch, i cili thotë se presidenti Donald Trump u tërhoq nga marrëveshja bërthamore me Iranin për inat të paraardhësit të tij, Barack Obama.
Darroch thotë se kjo lëvizje ishte një ‘vandalizëm diplomatik’. Memoja është shkruar pasi ish-ministri i jashtëm britanik, Boris Johnson vizitoi SHBA në vitin 2018, për t’u kërkuar Uashingtonit që të mos tërhiqej nga marrëveshja.
Por Trump u tërhoq duke shpërfillur kërkesat e aleatëve europianë. Prej atëherë, tensionet mes SHBA dhe Iranit kanë kapur majat, madje para disa javësh u përfol se SHBA mund të ishte në prag të një sulmi ushtarak mbi Iranin.
Nga ana tjetër, që kur ka ardhur në pushtet, Trump ka ndihmuar gjithmonë e më shumë një grupim iranian, që lufton për rrëzimin e regjimit. Organizata MEK ka ngritur një qendër në Shqipëri, ku janë të strehuar së paku 3 mijë muxhahedinë.
Kështu, Shqipëria e vogël e gjen veten në mesin e një shahu të madh global. Organizata MEK pretendon se është qeveria që do të zëvendësojë regjimin e mullahëve në Teheran pasi ata të rrëzohen nga pushteti.
Këtë fundjavë, Shqipëria ishte e mbushur me personazhe të rëndësishme nga mbarë bota, që përkrahin këtë organizatë.
Mes të ftuarve ishte edhe avokati personal i Trump, Rudy Giuliani, por edhe ish-senatori Joe Lieberman.
Në fjalimin e tij, Giuliani tha se rezidentët iranianë në Shqipëri janë luftëtarë të lirisë. Nga Tirana, ai i bëri thirrje vendeve si Gjermania dhe Franca që të mbështesin shkëputjen e lidhjeve me mullahët.
“Zgjohuni, kur blini naftë nga Irani po financoni vrasësit,” tha ai.
Në Shqipëri ka përfunduar tashmë ngritja e kampit Ashraf-3, ku janë strehuar luftëtarët e rezistencës iraniane. Bëhet fjalë për një qytet të supermbikëqyrur, me parqe, restorante, pishina dhe salla konferencash. Dy kampet e mëparshme Ashraf kanë qenë në Irak.
Ballkanwb