Kresha
A pretty face can never trick me
Kështu deklaroi para Tribunalit të Hagës Drazen Erdemovic, ish-ushtar i Armatës së Republika Srpska.
Kështu deklaroi para Tribunalit të Hagës dëshmitari i Prokurorisë, Drazen Erdemovic, gjatë gjykimit të gjeneralit Momcilo Perisic. Sipas tij, si ushtar i Armatës së Republika Srpska (VRS) ai në korrik të vitit 1995 mori pjesë në pushkatimin e 1,000 meshkujve myslimanë nga Srebrenica.
Gjenerali Perisic, që asokohe ishte shef i Gjeneralshtabit të Armatës së Jugosllavisë, akuzohet për ndihmë dhe përkrahje të ofruar në krimet e kryera në Srebrenicë, Zagreb dhe Sarajevë.
Erdemovic pohoi se më 16 korrik, pesë ditë pasi që VRS mori Srebrenicën, te ferma Branjevo afër Zvornikut, së bashku me shtatë pjesëtarë të tjerë të Njësitit të Dhjetë Diversant të VRS i pushkatonin myslimanët që silleshin aty me autobusë me urdhër të oficerit, Brane Gojkovic.
Dëshmitari deklaroi se komandanti i atij njësiti ishte nëntogeri Milorad Pelemis, ndërkaq oficer i tij ishte shefi i shërbimit të zbulimit të Shtabit të Përgjithshëm të VRS, Petar Salapura.
Duke vërtetuar lidhjen mes Pelemis dhe Salapura me Armatën e Jugosllavisë, prokurori futi në procesverbal vendimet për dërgimin e tyre në detyrë në VRS, i cili ishte sjellë nga Drejtoria e Personelit në Gjeneralshtabin e Armatës së Jugosllavisë (VJ).
Erdemovic theksoi se disa nga pjesëtarët e Njësitit të Dhjetë Diversant në fund të vitit 1994 ishin stërvitur në kazermën e VJ në Pançevë.
"Brano na tregoi atë mëngjes në fermë se çka do të ndodhte: se nga Srebrenica do të fillonin të vinin autobusë me civilë dhe se ata pastaj duhet të pushkatohen. E pyetëm përse po bëhej kjo gjë, sepse as unë s'mund ta kuptoja, e ai tha: 'Jepjani pra atyre ju pushkët tuaja, hyni radhë dhe le t'ju pushkatojnë ata juve'", tregoi dëshmitari.
Erdemovic, një kroat ky nga Bosnja, pranoi në vitin 1996 para Tribunalit të Hagës se ishte fajtor për krime lufte, e pastaj u dënua me 5 vjet burg. U lirua në vitin 2000, pasi që mbajti dënimin në Norvegji.
Sipas tij, viktimat ishin meshkuj të moshave mes 15 dhe 60 vjet dhe të gjithë ishin civilë.
Siç tregoi, nga 15-20 autobusë ata u nxorën në grupe nga 10, nën përcjelljen e policëve ushtarakë dhe pastaj u pushkatuan në fushën afër fermës, dhe se vetëm njëri kishte rezistuar.
Erdemovic shtoi se njësiti i tij kishte pushkatuar nga ora 10 e mëngjesit deri diku në orën 14 ose 15 pasdite, kur vrasjet i mori përsipër një njësit nga Bratunac.
Para dhe pas pushkatimeve, në fermë ndodhej një nënkolonel i VRS, emri i të cilit nuk i kujtohej, tregoi ai.
Sipas Erdemovic, Njësiti i Dhjetë Diversant, më 11 korrik 1995 mori pjesë edhe në sulmin ndaj Srebrenicës, megjithëse nuk hasi në kurrfarë rezistence.
Në Srebrenicë Pelemis i kishte urdhëruar një ushtari që të vriste një civil, të cilën gjë ai e bëri menjëherë me thikë, në prani të ushtarëve tjerë, kujtoi Erdemovic, duke dëshmuar përmes monitorit, me fytyrë të deformuar dhe zë të ndryshuar.
Erdemovic edhe më parë dëshmoi në Tribunalin e Hagës, gjatë gjykimit të gjeneralit Radislav Krstic, por edhe në gjykimet e Slobodan Milosevic dhe Momcilo Krajisnik. /beta/ gazetaexpress/
Kështu deklaroi para Tribunalit të Hagës dëshmitari i Prokurorisë, Drazen Erdemovic, gjatë gjykimit të gjeneralit Momcilo Perisic. Sipas tij, si ushtar i Armatës së Republika Srpska (VRS) ai në korrik të vitit 1995 mori pjesë në pushkatimin e 1,000 meshkujve myslimanë nga Srebrenica.
Gjenerali Perisic, që asokohe ishte shef i Gjeneralshtabit të Armatës së Jugosllavisë, akuzohet për ndihmë dhe përkrahje të ofruar në krimet e kryera në Srebrenicë, Zagreb dhe Sarajevë.
Erdemovic pohoi se më 16 korrik, pesë ditë pasi që VRS mori Srebrenicën, te ferma Branjevo afër Zvornikut, së bashku me shtatë pjesëtarë të tjerë të Njësitit të Dhjetë Diversant të VRS i pushkatonin myslimanët që silleshin aty me autobusë me urdhër të oficerit, Brane Gojkovic.
Dëshmitari deklaroi se komandanti i atij njësiti ishte nëntogeri Milorad Pelemis, ndërkaq oficer i tij ishte shefi i shërbimit të zbulimit të Shtabit të Përgjithshëm të VRS, Petar Salapura.
Duke vërtetuar lidhjen mes Pelemis dhe Salapura me Armatën e Jugosllavisë, prokurori futi në procesverbal vendimet për dërgimin e tyre në detyrë në VRS, i cili ishte sjellë nga Drejtoria e Personelit në Gjeneralshtabin e Armatës së Jugosllavisë (VJ).
Erdemovic theksoi se disa nga pjesëtarët e Njësitit të Dhjetë Diversant në fund të vitit 1994 ishin stërvitur në kazermën e VJ në Pançevë.
"Brano na tregoi atë mëngjes në fermë se çka do të ndodhte: se nga Srebrenica do të fillonin të vinin autobusë me civilë dhe se ata pastaj duhet të pushkatohen. E pyetëm përse po bëhej kjo gjë, sepse as unë s'mund ta kuptoja, e ai tha: 'Jepjani pra atyre ju pushkët tuaja, hyni radhë dhe le t'ju pushkatojnë ata juve'", tregoi dëshmitari.
Erdemovic, një kroat ky nga Bosnja, pranoi në vitin 1996 para Tribunalit të Hagës se ishte fajtor për krime lufte, e pastaj u dënua me 5 vjet burg. U lirua në vitin 2000, pasi që mbajti dënimin në Norvegji.
Sipas tij, viktimat ishin meshkuj të moshave mes 15 dhe 60 vjet dhe të gjithë ishin civilë.
Siç tregoi, nga 15-20 autobusë ata u nxorën në grupe nga 10, nën përcjelljen e policëve ushtarakë dhe pastaj u pushkatuan në fushën afër fermës, dhe se vetëm njëri kishte rezistuar.
Erdemovic shtoi se njësiti i tij kishte pushkatuar nga ora 10 e mëngjesit deri diku në orën 14 ose 15 pasdite, kur vrasjet i mori përsipër një njësit nga Bratunac.
Para dhe pas pushkatimeve, në fermë ndodhej një nënkolonel i VRS, emri i të cilit nuk i kujtohej, tregoi ai.
Sipas Erdemovic, Njësiti i Dhjetë Diversant, më 11 korrik 1995 mori pjesë edhe në sulmin ndaj Srebrenicës, megjithëse nuk hasi në kurrfarë rezistence.
Në Srebrenicë Pelemis i kishte urdhëruar një ushtari që të vriste një civil, të cilën gjë ai e bëri menjëherë me thikë, në prani të ushtarëve tjerë, kujtoi Erdemovic, duke dëshmuar përmes monitorit, me fytyrë të deformuar dhe zë të ndryshuar.
Erdemovic edhe më parë dëshmoi në Tribunalin e Hagës, gjatë gjykimit të gjeneralit Radislav Krstic, por edhe në gjykimet e Slobodan Milosevic dhe Momcilo Krajisnik. /beta/ gazetaexpress/