Huffington Post: Gjirokastra, një ndër 10 destinacionet më të bukura

Media prestigjoze amerikane Huffington Post rendit Gjirokastrën si destinacionin e dytë më të mrekullueshëm në Europë, mes 10 destinacioneve për të cilat turistët nuk kanë dëgjuar ndonjëherë.

Në shkrimin e saj, Huffington post shkruan se, “Ju mendoni se i njihni mrekullitë e Europës nga fillimi në fund. Por jo, ju nuk i njihni. Ashtu si me çdo destinacion tjetër të mirë, kontinenti krenohet me një numër të madh thesaresh të panjohur që do të bënte t’i merreshin mendtë edhe një udhëtari me përvojë”.

“Kontinenti gëlon nga vende të papopulluara, si ishujt e Spanjës dhe qytetet e liqenit të Lituanisë. Oh, dhe nuk e kemi përmendur se tani është koha më e lire, që kemi parë ndonjëherë, për të vizituar Europën”, shkruan Huffington post e cila fton turistët europianë që të vizitojnë këto vende.

Për Gjirokastrën, Huffington Post shkruan se, është një qytet në jug të Shqipërisë që ka një arkitekturë me karakterisikat e UNESCO-s – tipike të periudhës osmane, që do të thotë se është mjaft i vjetër dhe mjaft i bukur. Ejani këtu për kulturën; qëndroni për ushqimin.

ATSH

Titulli: Huffington Post: Gjirokastra, një ndër 10 destinacionet më të bukura

Posi posi me shume se 3 ore te iken truri ne Gjirokaster. Te flasesh per Butrint jam dakort apo ndonje vend tjeter por sic duket qe kur beri dasmen Erioni ne Gjirokaster u be i njoft Lol

Titulli: Huffington Post: Gjirokastra, një ndër 10 destinacionet më të bukura

Po the Gjirokastra i ke thene te tera............
te bera e te pabera lol