Tuana
Nada é por acaso!
Hong Kong, 4 gusht – Hong-Kongu është zhytur në smogun më të rëndë që e mban në mend ky qytet. Autoritetet kanë konstatuar se ndotja e ajrit ndodhet në nivelin rekord që nga viti 1999, që kur bëhen statistika rreth këtij fenomeni. Ndonëse moti është i mirë dhe me diell, shumëkatëshet e Hong-Kongut janë të mbuluara nga smogu i dendur helmues, derisa qielli ka ngjyrë hiri. Autoritetet kanë lutur qytetarët që të qëndrojnë nëpër shtëpi, po qe se nuk e kanë të detyrueshme të dalin. ثshtë bërë apel i veçantë që personat me sëmundje kronike kardiologjike dhe respiratorike, më të moshuarit dhe fëmijët të zvogëlojnë aktivitetet fizike.
Zyrtarët theksojnë se ndotja e ajrit është përkeqësuar me veprimin e tajfunit “Saola”, që ka rezultuar me vdekjen e katër personave në Tajvan, rreth 700 kilometra në lindje të Hong Kongut.
Masa ajrore e jashtme e tajfunit thuhet se ka shkaktuar ngritje të temperaturave në Hong Kong dhe ka nxitur rritjen e nivelit të ozonit.
Aktivistët për mbrojtjen e natyrës theksojnë se qyteti nuk duhet që të fajësojë vazhdimisht kushtet atmosferike apo fabrikat kineze për shkak të problemeve me ndotje, të cilat po paraqiten vazhdimisht.
Erica Chan, shefe e organizatës ambientaliste “Rrjeti për ajër të pastër” thekson se kushtet atmosferike nuk do të mund ta përkeqësonin ndotjen e Hong Kongut, po qe se në vetë qytetin të mos liroheshin gazrat që e ndotin ambientin.
Chan po ashtu ka theksuar se një prej problemeve kryesore janë automjetet lokale, që përdorin motorë të stërvjetruar.
Zyrtarët në Hong Kong gjatë janarit të këtij viti e kishin paralajmëruar rishikimin e rregullave rreth cilësisë së ajrit, rishikimi ky i pari që bëhet pas 25 vjetësh, pasi një hulumtim në Universitetin e këtij qyteti ka treguar se prej sëmundjeve të lidhura me ndotjen e ajrit vdesin mbi 3 000 banorë për çdo vit./koha/