alfonci
Veri investigatio
-
- Anëtarësuar më
- Jul 18, 2008
-
- Mesazhe
- 3,071
-
- Reagimet e mara
- 197
-
- Vendndodhja
- Perpara kompjuterit
28 tetori përkujtohet çdo vit në Greqi si dita kur grekët i thanë 'Jo' ultimatumit të Musolinit, duke filluar kështu një luftë e cila më së shumti u zhvillua në Shqipëri dhe ka mbetur në histori me emrin Lufta Italo-Greke.
E filluar në vitin 1940, ajo solli si pasojë edhe vendosjen e gjendjes së luftës ndërmjet Greqisë e Shqipërisë, me shkas faktin se sulmi italian filloi nga toka e pushtuar shqiptare. Qeveria greke e abrogoi gjendjen e luftës në vitin 1987, por efektet e saj juridike ende nuk janë shfuqizuar, pavarësisht se Shqipëria dhe Greqia nënshkruan një traktat miqësie e bashkëpunimi në vitin 1996.
Të martën në paradën tradicionale ushtarake që do të zhvillohet si përvit në Selanik, do të ketë një risi mbresëlënëse. Në tribunën e paradës do të ndodhet ministri i mbrojtjes i Turqisë, i Bosnjës, si dhe disa zëvendësministra të vendeve të rajonit, mes të cilëve edhe i Shqipërisë.
Praninë e mysafirëve nga rajoni, ministri grek i mbrojtjes, Evangerlos Meimarakis, që ishte dhe nismëtar i ftesës, e cilësoi si një mesazh të përbashkët se këto vende duan të jetojnë në paqe, stabilitet e siguri, me fqinjësi të mirë ndërmjet të gjithëve, kështu që të ecin drejt zhvillimit e prosperitetit. Vetëm ministria e mbrojtjes e Maqedonisë nuk iu përgjigj ftesës greke.
Prania e ministrit turk të mbrojtjes, Vezhdi Gjonul, është në qendër të vëmendjes, nga frika e incidenteve që mund të shkaktojë mërgata qipriote në Selanik që është shumë e fuqishme, por edhe organiazata të ekstremit të majtë që përkrahin çështjen kurde. Megjithatë, edhe partitë opozitare greke nuk e kanë parë negativisht faktin e pranisë së zotit Gjonul, ndërsa shtypi, me një ndjenjë ironie thekson se ministri turk, gjatë paradës ushtarake do të ketë rastin të konstatojë se ku janë investuar miliardat e eurove që Greqia ka shpenzuar e shpenzon për armatime, kryesisht për shkak të rrezikut imagjinar nga fqinji i vet lindor.
Për herë të parë pas 68 vjetësh në tribunën e paradës do të jetë edhe ambasadori i italisë në Athinë, Xhanpaolo Skarante. Ambasadori Skarante nuk do të ndihet në pozitën e paraardhësit të tij të hershëm në Athinë, Graci, i cili më 28 tetor 1940 i dorëzoi kryeministrit Joanis Metaxas ultimatumin poshtërues që kryeministri grek e hodhi poshtë.
Ndryshe nga rasti i Shqipërisë, Greqia me Italinë nënshkruan një traktat paqeje që në vitin 1949 dhe që atëherë marrëdhëniet midis të dy vendeve janë forcuar vazhdimisht.
BBC
E filluar në vitin 1940, ajo solli si pasojë edhe vendosjen e gjendjes së luftës ndërmjet Greqisë e Shqipërisë, me shkas faktin se sulmi italian filloi nga toka e pushtuar shqiptare. Qeveria greke e abrogoi gjendjen e luftës në vitin 1987, por efektet e saj juridike ende nuk janë shfuqizuar, pavarësisht se Shqipëria dhe Greqia nënshkruan një traktat miqësie e bashkëpunimi në vitin 1996.
Të martën në paradën tradicionale ushtarake që do të zhvillohet si përvit në Selanik, do të ketë një risi mbresëlënëse. Në tribunën e paradës do të ndodhet ministri i mbrojtjes i Turqisë, i Bosnjës, si dhe disa zëvendësministra të vendeve të rajonit, mes të cilëve edhe i Shqipërisë.
Praninë e mysafirëve nga rajoni, ministri grek i mbrojtjes, Evangerlos Meimarakis, që ishte dhe nismëtar i ftesës, e cilësoi si një mesazh të përbashkët se këto vende duan të jetojnë në paqe, stabilitet e siguri, me fqinjësi të mirë ndërmjet të gjithëve, kështu që të ecin drejt zhvillimit e prosperitetit. Vetëm ministria e mbrojtjes e Maqedonisë nuk iu përgjigj ftesës greke.
Prania e ministrit turk të mbrojtjes, Vezhdi Gjonul, është në qendër të vëmendjes, nga frika e incidenteve që mund të shkaktojë mërgata qipriote në Selanik që është shumë e fuqishme, por edhe organiazata të ekstremit të majtë që përkrahin çështjen kurde. Megjithatë, edhe partitë opozitare greke nuk e kanë parë negativisht faktin e pranisë së zotit Gjonul, ndërsa shtypi, me një ndjenjë ironie thekson se ministri turk, gjatë paradës ushtarake do të ketë rastin të konstatojë se ku janë investuar miliardat e eurove që Greqia ka shpenzuar e shpenzon për armatime, kryesisht për shkak të rrezikut imagjinar nga fqinji i vet lindor.
Për herë të parë pas 68 vjetësh në tribunën e paradës do të jetë edhe ambasadori i italisë në Athinë, Xhanpaolo Skarante. Ambasadori Skarante nuk do të ndihet në pozitën e paraardhësit të tij të hershëm në Athinë, Graci, i cili më 28 tetor 1940 i dorëzoi kryeministrit Joanis Metaxas ultimatumin poshtërues që kryeministri grek e hodhi poshtë.
Ndryshe nga rasti i Shqipërisë, Greqia me Italinë nënshkruan një traktat paqeje që në vitin 1949 dhe që atëherë marrëdhëniet midis të dy vendeve janë forcuar vazhdimisht.
BBC