Shfletimi si vizitorë është i kufizuar

Gjashtë historianë rusë, paraqesin studimet për Skënderbeun

*ena*
Figura dhe vepra e Skënderbeut ishin në qendër të një tryeze të rrumbullakët, të organizuar në Moskë me rastin e 600-vjetorit të lindjes së Heroit Kombëtar. Në këtë veprimtari të organizuar nga ambasada në Moskë me pjesëmarrjen e punonjësve shkencorë të Institutit dhe të Universitetit shtetëror të Moskës “Lomonosov”, merrnin pjesë anëtarë të shoqatës së miqësisë “Rusi – Shqipëri”, shqiptarë me banim në Moskë, dashamirës të Shqipërisë, punonjës nga Ministria e Punëve të Jashtme të Rusisë,etj. Veprimtaria për Skënderbeun u çel me prezantimin dhe diskutimin e portretit të Skënderbeut, të punuar posaçërisht për këtë jubile nga piktori rus, Danill Dirov. Punimet e “Tavolinës së rrumbullakët” i hapi drejtori i institutit, doktori i shkencave historike, Konstantin Nikiforov, i cili në mënyrë të përmbledhur bëri një vlerësim të veprës së Skënderbeut. Ndër të tjera, ai vuri në dukje rëndësinë e luftës antiosmane të popullit shqiptar, nën udhëheqjen e Skënderbeut për çlirimin edhe të popujve të tjerë ballkanikë. Ambasadori Avni Xhelili mbajti referatin me temë: “Lufta çlirimtare e Popullit shqiptar nën udhëheqjen e Skënderbeut dhe rëndësia historike e veprës tij”. Nga punonjës të Institutit dhe të Universitetit “Lomonosov” u mbajtën edhe 5 referate shkencore. Në referatin e vet, doktori i shkencave, Grigori Arsh solli fakte dhe materiale deri më sot të panjohura, të gjetura në arkivat ruse të shek. 16 dhe 17, ndërsa doktorja e shkencave, Julia Ivanova trajtoi çështjen e transformimit të identitetit nga lokal (fisnor),në etnik dhe së fundi, në identitet kombëtar që u arrit në periudhën e Skënderbeut. Autorët e tjerë e vunë theksin në krijimin e një fronti të përbashkët për çlirimin e vendit nga pushtuesit osmanë dhe në formimin e individualitetit kombëtar të tyre. Referimet u shoqëruan edhe me diskutime nga të pranishmit. Aktiviteti përfundoi me koktejin e organizuar nga ambasada në mjediset e Institutit të Studimeve Sllave të Akademisë së Shkencave të Rusisë.
 
REFERATET E MBAJTURA

* 1. “Skënderbeu në dokumentet arkivore ruse”, mbajtur nga doktori i shkencave historike, Grigori Arsh
* 2. Identiteti lokal dhe etnik: shek. 15, vështruar nga shek. 21, mbajtur nga doktorja e shkencave historike, Julia Ivanova
* 3. “Mbi veprën e Skënderbeut” , mbajtur nga doktori i shkencave historike, Sergei Kuleshov, kryetar i shoqatës “Rusi - Shqipëri”;
* 4. “Lufta çlirimtare e popullit shqiptar në kontekstin ballkanik”, mbajtur nga kandidati i shkencave historike, Pjetër Iskanderov
* 5. “Gjergj Kastrioti Skënderbeu dhe Lëvizja Kombëtare për اlirim e popullit shqiptar në shek.15”, mbajtur nga kandidati i shkencave historike Grigori Shkundin, pedagog i Universitetit “Lomonosov”
* 6. “Lufta çlirimtare e popullit shqiptar nën udhëheqjen e Skënderbeut dhe rëndësia historike e veprës tij”, mbajtur nga ambasadori shqiptar në Moskë, Avni Xhelili
 
Dorëshkrimet origjinale, dhuratë Muzeut Kombëtar

Janë dorëshkrime origjinale dhe rrëfejnë për një jetë të tërë pune. Tani nuk i përkasin më një personi, por janë “pasuri” kombëtare. Ka qenë djali i përkthyesit të njohur, Stefan Prifti, Ilia Prifti, ai që i ka dhuruar dje Muzeut Historik Kombëtar dorëshkrimin në latinisht e shqip të librit të të atit “Apologjia e Skënderbeut” (në latinisht më 1636). 84 faqe dorëshkrim në latinisht dhe 93 faqe në shqip janë dëshmia origjinale dhe shumë e veçantë që tregojnë sesi intelektuali i shquar, Stefan Prifti ka pasur procesin e laboratorit të punës. Sesi duke mos pasur librin origjinal të Frang Bardhit ka kopjuar me dorë në Bibliotekën Kombëtare të gjithë librin në latinisht dhe më pas e ka përkthyer.
اfarë përfaqëson “Apolo-gjia e Skënderbeut”?
Frang Bardhi e ka shkruar librin “Apologjia e Skënderbeut” për 15 ditë. ثshtë vepër gjeniale e formës së polemikës. Kjo polemikë lidhet me origjinën e Skënderbeut. Një autor boshnjak, Johan Tomku Margnoviç kishte botuar një libër ku e nxirrte Skënderbeun me origjinë boshnjake. Atëherë Frang Bardhi që ishte student në kolegjin “Congregacione Fide” shkroi një libër për të mbrojtur origjinën shqiptare të Skënderbeut. “Kjo vepër polemike është e nivelit të lartë shkencor. Përveç dokumenteve të referimit, në këtë vepër ka edhe shpjegime të karakterit etimologjik, por edhe të hamendësisë popullore të shqiptarëve, të cilët e adhuronin Skënderbeun. Kjo vepër është vepër moderne edhe në kohën e sotme”, thotë drejtori i Muzeut Kombëtar, Moikom Zeqo. اka është e rëndësishme është se Frang Bardhi është mbështetur mbi veprën e Marin Barletit për të hartuar veprën e tij.

Burimi: TiranaObserver
 

Attachments

  • Skenderbeu.jpg
    Skenderbeu.jpg
    95.7 KB · Shikime: 56
Keshtu po ka lezet ,me behet qejfi :)
 
Duhet të kyçeni ose të regjistroheni për t'u përgjigjur.

Konkursi Letërsisë

  • Aeroporti i Zaventemit

    Votat: 6 54.5%

  • Të harrova, sepse të dua

    Votat: 5 45.5%

  • Vetëm …

    Votat: 4 36.4%
See comments…

Theme Editor

Settings Colors

  • Mobile users cannot use these functions.

    Select View Mode

    Switch between full screen and narrow screen modes.

    Grid View

    Easily review content and get an organized view with grid mode.

    Image Grid Mode

    Display your content in an organized and visually rich way with background images.

    Sidebar Close

    Create a larger workspace by hiding the sidebar.

    Fixed Sidebar

    Ensure constant access and easily manage your content by pinning the sidebar.

    Box view

    You can add a box-style frame to the sides of your theme or remove the existing frame. Valid for resolutions over 1300px.

    Radius Control

    Customize the look however you like by turning the radius effect on or off.

  • Choose your color

    Choose the color that reflects your style and ensure aesthetic harmony.
Back