Mbi 10 mijë të lindur vitin e shkuar kanë të paktën njërin prind shqiptar, pjesa dërrmues (rreth 9 mijë) i kanë të dy prindërit shqiptarë. Emrat që më shpesh shqiptarët u vënë fëmijëve të tyre: Kevin e Andrea djemve, Noemi e Aurora, vajzave
Ndër rreth 546.607 fëmijët e lindur gjatë vitit të shkuar në Itali, 106 mijë kanë të paktën një prind të huaj. Mbi 10 mijë të lindur vitin e shkuar kanë të paktën njërin prind shqiptar, pjesa dërrmues (rreth 9 mijë) i kanë të dy prindërit shqiptarë. Emrat që më shpesh shqiptarët u vënë fëmijëve të tyre: Kevin e Andrea djemve, Noemi e Aurora, vajzave
Romë – 10.563 fëmijë të lindur vitin e shkuar në Itali kanë të paktin njërin prind shqiptar, nga këta, 8.817 i kanë që dy prindërit shqiptarë. Ajo që bie në sy janë emrat që prindërit e tyre zgjedhin për fëmijët. Vendet e para nuk zihen nga Ilir, Gent, Rozafa apo Teuta, por nga emra të huaj si Kevin dhe Noemi.
Janë këto disa nga të dhënat mbi shqiptarët e raportit më të fundit të ISTAT – Instituti Statstikor Italian, mbi lindjet në Itali.
Sipas raportit, gjatë vitit të shkuar kanë lindur në Itali 546.607 fëmijë, rreth 15 mijë më pak se në vitin 2010, rënie që është pasojë e lindjeve më të pakta të çifteve italianë: thuajse 40 mijë më pak se në vitin 2008. Bien edhe lindjet nga çiftet e përziera, rreth 2 mijë më pak se një vit më parë.
Shtohen nga viti në vit të sapolindurit nga prindër që të dy të huaj janë rritur, dhe arrijnë në 79 mijë (14,5% e të gjithë të sapolindurve). Nëse këtyre u shtohen edhe ata që kanë të paktin njërin prind të huaj e tjetrin Italian kapet shifra 106 mijë, ose 19,4% e të gjithë të sapolindurve.
Po të merret në konsideratë shtetësia e nënave të huaja, në vend të parë renditen rumunet (18.484 të sapolindur në vitin 2011), në të dytin marokenet (13.340) dhe në vend të tretë shqiptaret (9.916).
Më në hollësi, për komunitetin shqiptar mund të thuhet që gjatë vitit të shkuar kanë lindur 8.817 fëmijë që i kanë të dy prindërit shqiptarë, 647 që kanë vetëm babanë shqiptar dhe 1.099 që kanë vetëm nënën shqiptare. Kjo tregon edhe një prirje të shqiptarëve për të krijuar familje mes bashkëkombës, ndryshe nga komunitete të tjera ku përqindja e grave është shumë më e lartë se e meshkujve. Kështu ukrainaset, polaket, ruset e kubanet kanë fëmijë më shumë me italianët se me bashkëkombas.
Një gjë që bie në sy janë emrat që të huajt u japin fëmijëve të tyre që lindin në Itali. Kryesisht parapëlqehen emrat e përdorur në Itali. Por nëse indianët, për shembull, u japin fëmijëve edhe emra indianë si Harman dhe Simran, ndër emrat që më shpesh shqiptarët u vënë fëmijëve të tyre janë të huaj. Emrat që hasen më shpesh mes të sapolindurve në Itali nga prindër shqiptarë janë Kevin (139 fëmijë të lindur vitin e shkuar), Andrea (129), Matteo (84), Alessio (80), Gabriel (71), Samuel (71) për djemtë dhe Noemi (135), Aurora (108), Sara (101), Melissa (94), Alessia (79) dhe Martina (78) për vajzat.
E Rozafa, Teuta, Arbër, Gent, Ilir? Me siguri do të ketë edhe të tillë por janë më të paktë se të parët.
Janë të shumtë faktorët që ndikojnë në zgjedhjen e emrit të fëmijës që sapo lind. Më parë peshkohej shpesh mes emrave të gjyshërve ose të ndonjë të afërmi tjetër, apo mes emrave shqiptarë (edhe atyre që dukeshin si të tillë), gjë që nuk reflektohet në përzgjedhjen e emrave të mësipërm. Në emigrim mund të parapëlqehet zgjedhja e një emri të huaj për t’i shprehur mirënjohjen dikujt që të ka ndihmuar dhe e ke për zemër, përpjekja për t’u integruar (apo asimiluar?), por edhe dëshira për t’i ofruar fëmijës diçka që të mos e dallojë atë shumë nga bashkëmoshatarët e tjerë, (edhe pse ndonjëherë emri i vënë pranë mbiemrit të bën të qeshësh, Giorgio Gjergji, për shembull).
Nga: Keti Biçoku
Ndër rreth 546.607 fëmijët e lindur gjatë vitit të shkuar në Itali, 106 mijë kanë të paktën një prind të huaj. Mbi 10 mijë të lindur vitin e shkuar kanë të paktën njërin prind shqiptar, pjesa dërrmues (rreth 9 mijë) i kanë të dy prindërit shqiptarë. Emrat që më shpesh shqiptarët u vënë fëmijëve të tyre: Kevin e Andrea djemve, Noemi e Aurora, vajzave
Romë – 10.563 fëmijë të lindur vitin e shkuar në Itali kanë të paktin njërin prind shqiptar, nga këta, 8.817 i kanë që dy prindërit shqiptarë. Ajo që bie në sy janë emrat që prindërit e tyre zgjedhin për fëmijët. Vendet e para nuk zihen nga Ilir, Gent, Rozafa apo Teuta, por nga emra të huaj si Kevin dhe Noemi.
Janë këto disa nga të dhënat mbi shqiptarët e raportit më të fundit të ISTAT – Instituti Statstikor Italian, mbi lindjet në Itali.
Sipas raportit, gjatë vitit të shkuar kanë lindur në Itali 546.607 fëmijë, rreth 15 mijë më pak se në vitin 2010, rënie që është pasojë e lindjeve më të pakta të çifteve italianë: thuajse 40 mijë më pak se në vitin 2008. Bien edhe lindjet nga çiftet e përziera, rreth 2 mijë më pak se një vit më parë.
Shtohen nga viti në vit të sapolindurit nga prindër që të dy të huaj janë rritur, dhe arrijnë në 79 mijë (14,5% e të gjithë të sapolindurve). Nëse këtyre u shtohen edhe ata që kanë të paktin njërin prind të huaj e tjetrin Italian kapet shifra 106 mijë, ose 19,4% e të gjithë të sapolindurve.
Po të merret në konsideratë shtetësia e nënave të huaja, në vend të parë renditen rumunet (18.484 të sapolindur në vitin 2011), në të dytin marokenet (13.340) dhe në vend të tretë shqiptaret (9.916).
Më në hollësi, për komunitetin shqiptar mund të thuhet që gjatë vitit të shkuar kanë lindur 8.817 fëmijë që i kanë të dy prindërit shqiptarë, 647 që kanë vetëm babanë shqiptar dhe 1.099 që kanë vetëm nënën shqiptare. Kjo tregon edhe një prirje të shqiptarëve për të krijuar familje mes bashkëkombës, ndryshe nga komunitete të tjera ku përqindja e grave është shumë më e lartë se e meshkujve. Kështu ukrainaset, polaket, ruset e kubanet kanë fëmijë më shumë me italianët se me bashkëkombas.
Një gjë që bie në sy janë emrat që të huajt u japin fëmijëve të tyre që lindin në Itali. Kryesisht parapëlqehen emrat e përdorur në Itali. Por nëse indianët, për shembull, u japin fëmijëve edhe emra indianë si Harman dhe Simran, ndër emrat që më shpesh shqiptarët u vënë fëmijëve të tyre janë të huaj. Emrat që hasen më shpesh mes të sapolindurve në Itali nga prindër shqiptarë janë Kevin (139 fëmijë të lindur vitin e shkuar), Andrea (129), Matteo (84), Alessio (80), Gabriel (71), Samuel (71) për djemtë dhe Noemi (135), Aurora (108), Sara (101), Melissa (94), Alessia (79) dhe Martina (78) për vajzat.
E Rozafa, Teuta, Arbër, Gent, Ilir? Me siguri do të ketë edhe të tillë por janë më të paktë se të parët.
Janë të shumtë faktorët që ndikojnë në zgjedhjen e emrit të fëmijës që sapo lind. Më parë peshkohej shpesh mes emrave të gjyshërve ose të ndonjë të afërmi tjetër, apo mes emrave shqiptarë (edhe atyre që dukeshin si të tillë), gjë që nuk reflektohet në përzgjedhjen e emrave të mësipërm. Në emigrim mund të parapëlqehet zgjedhja e një emri të huaj për t’i shprehur mirënjohjen dikujt që të ka ndihmuar dhe e ke për zemër, përpjekja për t’u integruar (apo asimiluar?), por edhe dëshira për t’i ofruar fëmijës diçka që të mos e dallojë atë shumë nga bashkëmoshatarët e tjerë, (edhe pse ndonjëherë emri i vënë pranë mbiemrit të bën të qeshësh, Giorgio Gjergji, për shembull).
Nga: Keti Biçoku
