A2.
V.I.P
- Anëtarësuar më
- Nov 28, 2008
- Mesazhe
- 4,462
- Reagimet e mara
- 3,730
Përshëndetje zotëri @Tartarian
Të uroj që s'je në realitet të frikshëm, por në një realitet komod.
Përkundrazi, kur Kurani citohet nga ata që s'e besojnë, citimet bashkë me komentet që ia bashkëngjisin i lexoj me më shumë vëmendje sesa nga besimtarët e thjeshtë, jo të thelluar në dituritë islame.
Së pari kur citon, cito me referencë, ngase unë e di cilit varg po i referohesh, por të tjerët mund të mos e dinë. Edhe pse nuk i plotësoi kushtet të cilat i kërkova në fillim, po të përgëzoj që arrite ta gjesh, kjo nuk nënkupton në asnjë mënyrë që ke të drejtë.
Po e sjell ajetin, e pastaj ta jap edhe shpjegimin unanim mes të gjithë komentuesve të Kuranit, pa asnjë përjashtim.
"Ne e kemi ndërtuar qiellin me fuqinë Tonë dhe Ne e zgjerojmë atë. Edhe Tokën e kemi shtruar! Sa shtrues të mrekullueshëm që jemi!" [51:46 - 47].
Së pari Kurani nuk është libër shkencor, por brenda tij ka edhe shkencë. Pjesët shkencore të Kuranit, ne besimtarët i perceptojmë si mrekulli kuranore, të cilat dëshmojnë shenjtërinë e tij, pra se ai është Fjalë e Zotit dhe jo libër i shkruar nga dora e njeriut.
Sidoqoftë, le t'i kthehemi shpjegimit unanim të dijetarëve, atyre që e kuptojnë më së miri Kuranin.
Vargu 46 i kaptinës edh-Dharijat, pra të 56-ës me radhë, i referohet ndërtimit të qiellit dhe infinitetit të tij, zgjerimit të pakufishëm në vazhdimësi. Këtë besoj që e ke mësuar në lëndën e gjeografisë si fakt shkencor, pa më thuaj nga e dinte Muhamedi këtë fakt në shekullin e shtatë?!
Vargu vijues, 47 i kësaj kaptine flet për shtrimin e Tokës, me foljen fer-rashn-na, që i bie shtrimi i një gjëje. Nga kjo rrënjë shtratit i thuhet firash.
Tani s'po të them asgjë, më thoni ju, me sy të lirë kur ec të duket toka e shtrirë, e rrafshët, e përshtatshme për të ecur apo si të duket?
Po pse themi shtrati i detit? Është gabim edhe kjo shprehje?
Ja po ta jap edhe unë tekstin e Kuranit për të cilin aludova më sipër:
"Ai i ka krijuar qiejt dhe Tokën për të shpallur të Vërtetën. Ai e bën natën të kalojë në ditë dhe ditën në natë, Ai e ka nënshtruar Diellin dhe Hënën. Të gjitha lëvizin për një kohë të caktuar. Vërtet, Ai është i Plotfuqishëm dhe Falës i Madh! " [39:5]
Folja që përdoret për të treguar kalimin e natës në ditë dhe ditës në natë, është ju-kev-vir që ka kuptim të rrotullimit. Ka kuptimin e një gjëje sferike a të rrumbullakët. Nga kjo rrënjë topit në gjuhë arabe i thuhet ku-ra.
Kaq nga unë,
Shëndet!
