●Zvicër – Uells (ora 15:00) është ndeshja e dytë e Kampionatit Europian, që nis në fakt dy javë të ngjeshura të fazës në grupe të turneut, ku do të zhvillohen 2, 3 e deri 4 ndeshje në ditë.
Sa i përket historisë, zviceranët janë të avantazhuar, pasi kanë fituar 5 nga 7 ndeshjet e mëparshme mes dy skuadrave, por Uellsi ka në radhët e veta një yll si Gareth Bale, i cili është i uritur të tregojë se ka ende shumë për të dhënë, sidomos me kombëtaren. Megjithatë, përballë do të ketë një skuadër të mirëorganizuar, si Zvicra, ku në formacionin titullar pritet të jenë edhe Xhaka e Shaqiri.
●Në orën 18:00, Danimarka pret Finalndën debutuese, që ka treguar në fazën kualifikuese se mund të përballed denjësisht me çdo kundërshtar. Emrat në formacionin e danezëve janë më imponues, megjithatë fusha do të tregojë kush do të dominojë.
●Në orën 21:00, një prej skuadrave të konsideruara si favorite për fitimin e turneut, Belgjika, zbret në fushë përballë Rusisë. Belgët janë të parët në renditjen e FIFA-s dhe vijnë në Euro 2020 të uritur për të treguar klasin e tyre. Në Euro 2016 “Djajtë e Kuq” u larguan befasisht në çerekfinale, pas humbjes kundër Uellsit, këtë shpresojnë që gjërat të përfundojnë ndryshe. Shqetësimi i vetëm është gjendja e Kevin de Bruyne, i cili mungon në këtë përballje.
A2news.com