UEFA Champions League i drejtohet raundit të katërt për të marrë disa përgjigje që mund të jenë vendimtare për fatin e shumë skuadrave pretendente për të kapur fronin e Europës këtë sezon.
Në 8 ndeshjet e kthimit të 4 grupeve të mbetura, do të luhen fatet e sezonit për shumë prej pjesëmarrësve ku më e nxehta është ajo e “Signa Iduna Park” mes Borussias së Dortmundit dhe Arsenalit. Londinezët vijnë me kockë të thyera në këtë sfidë ku do të kërkojnë të rrëmbejnë çfarë të munden për të mos lejuar rivalët të shkëputen në renditje. Humbja në “Emirates” jo vetëm që nuk është fashitur por rrezikon të prishë llogaritë e Arsene Wenger, skuadra e të cilit kryeson bindshëm në Premier League.
Nga ana tjetër, vendasit kanë komoditetin të luajnë një 90 minutësh pa presionin e rezultatit sepse kalendari flet në favor të tyre. Në 3 ndeshjet e fundit, 2 do t’i luajnë në shtëpi dhe kjo e avantazhon dukshëm skuadrën e Jurgen Klopp që ashtu si Napoli e Arsenali ka grumbulluar 6 pikë. Në përballjen tjetër, të kaltërit e Rafa Benitez e kanë të detyruar fitoren me Olympique Marseille, për të fituar kreditet e nevojshme në garën për një vend në fazën tjetër. اdo rezultat tjetër do të vendosë seriozisht në dyshim ecurinë e Napolit për më tej. Një tjetër grup interesant është edhe ai ku Barcelona dhe Milani do të zbresin në “Camp Nou” këtë herë për të sqaruar sërish llogaritë e lëna në mes me barazimin e Milanos. Skuadra e Martinos vazhdon të mos bindë me lojën e saj dhe në këtë aspekt duhet t’u trembet kuqezinjve që më shumë se një paraqitje dinjitoze, kërkojnë të marrin pikë nga Katalonja për t’u vendosur përkohësisht kapakun polemikave që kanë plasur pas disfatës ndaj Fiorentinës.
Po në grupin H, Ajaksi pret Celtic në një sfidë ku dy skuadra luftojnë për vendin e dytë. Kampionët e Holandës kërkojnë revansh pasi numërojnë vetëm një pikë në 3 ndeshjet e para, ndërsa skocezët mund të hedhin kandidaturën për kualifikimin në fazën tjetër nëse dalin me xhepat plot nga “Amsterdam Arena”. Grupi E propozon një tjetër përballje anglo-gjermane ku Chelsea kërkon vazhdimësinë pas atij starti katastrofik ndaj Baselit, ndërsa Schalke synon të mbajë sa më larg Baselin që pret në shtëpi Steauan e Bukureshtit. Në Grupin G, Atletico Madrid pret Austria Wien për të betonuar kualifikimin sepse një sukses i mundshëm do ta ngjiste skuadrën e Simeones në kuotën e 12 pikëve, ndërsa Zenit dhe Porto luajnë një 90 minutësh ku fituesi do ta ketë më të lehtë misionin për të siguruar vendin e dytë.
/S.Sport
Në 8 ndeshjet e kthimit të 4 grupeve të mbetura, do të luhen fatet e sezonit për shumë prej pjesëmarrësve ku më e nxehta është ajo e “Signa Iduna Park” mes Borussias së Dortmundit dhe Arsenalit. Londinezët vijnë me kockë të thyera në këtë sfidë ku do të kërkojnë të rrëmbejnë çfarë të munden për të mos lejuar rivalët të shkëputen në renditje. Humbja në “Emirates” jo vetëm që nuk është fashitur por rrezikon të prishë llogaritë e Arsene Wenger, skuadra e të cilit kryeson bindshëm në Premier League.
Nga ana tjetër, vendasit kanë komoditetin të luajnë një 90 minutësh pa presionin e rezultatit sepse kalendari flet në favor të tyre. Në 3 ndeshjet e fundit, 2 do t’i luajnë në shtëpi dhe kjo e avantazhon dukshëm skuadrën e Jurgen Klopp që ashtu si Napoli e Arsenali ka grumbulluar 6 pikë. Në përballjen tjetër, të kaltërit e Rafa Benitez e kanë të detyruar fitoren me Olympique Marseille, për të fituar kreditet e nevojshme në garën për një vend në fazën tjetër. اdo rezultat tjetër do të vendosë seriozisht në dyshim ecurinë e Napolit për më tej. Një tjetër grup interesant është edhe ai ku Barcelona dhe Milani do të zbresin në “Camp Nou” këtë herë për të sqaruar sërish llogaritë e lëna në mes me barazimin e Milanos. Skuadra e Martinos vazhdon të mos bindë me lojën e saj dhe në këtë aspekt duhet t’u trembet kuqezinjve që më shumë se një paraqitje dinjitoze, kërkojnë të marrin pikë nga Katalonja për t’u vendosur përkohësisht kapakun polemikave që kanë plasur pas disfatës ndaj Fiorentinës.
Po në grupin H, Ajaksi pret Celtic në një sfidë ku dy skuadra luftojnë për vendin e dytë. Kampionët e Holandës kërkojnë revansh pasi numërojnë vetëm një pikë në 3 ndeshjet e para, ndërsa skocezët mund të hedhin kandidaturën për kualifikimin në fazën tjetër nëse dalin me xhepat plot nga “Amsterdam Arena”. Grupi E propozon një tjetër përballje anglo-gjermane ku Chelsea kërkon vazhdimësinë pas atij starti katastrofik ndaj Baselit, ndërsa Schalke synon të mbajë sa më larg Baselin që pret në shtëpi Steauan e Bukureshtit. Në Grupin G, Atletico Madrid pret Austria Wien për të betonuar kualifikimin sepse një sukses i mundshëm do ta ngjiste skuadrën e Simeones në kuotën e 12 pikëve, ndërsa Zenit dhe Porto luajnë një 90 minutësh ku fituesi do ta ketë më të lehtë misionin për të siguruar vendin e dytë.
/S.Sport