Ceres, planeti për të cilin ndoshta nuk keni dëgjuar kurrë

Pasi kalon Marsin, pa arritur tek Jupiteri, ndodhet një planet. Ju mbase nuk keni dëgjuar për të, por ai është zbuluar në vitin 1801, 129 vjet përpara se të zbulohej Plutoni.
Më përpara quhej planet, më vonë asteroid dhe tani njihet me emrin “planeti xhuxh”.
Emri i tij është ‘Ceres’ dhe me shumë mundësi do të dëgjoni për të në javët në vijim.
Ceres është një nga 5 planetët ‘xhuxhë’ të njohur nga NASA dhe Unioni Ndërkombëtar Astronomik (IAU). Katër të tjerët janë Eris, Plutoni, Makemake dhe Haumea.
Por Ceres është i pari nga këto planete që është vizituar nga tokësorët.
“Ceres mund të konsiderohet një planet xhuxh, por është objekti më i madh që ndodhet me Marsit dhe Jupiterit, është objekti më i madh ndërmjet diellit dhe plutonit,” tha Marc Rayman, drejtori i Misionit ‘Agimi’ dhe inxhinier i NASA-s.
“Ne jemi shumë të entuziasmuar,” tha Rayman. “Ne e kemi udhëhequr këtë hetim robotic për më shumë se 7 vjet në një udhëtim ndërplanetar në një largësi prej 3 miliardë miljesh. Kaluam Marsin. Ne shpenzuam 14 muaj duke vëzhguar protoplanetin gjigand Vesta. Dhe tani, jemi në përfundim të ekplorimit të planetit të parë xhuxh”.
Imazhe të reja nga Misioni ‘Agimi’, janë marrë nga sonda kur ajo ishte në një largësi rreth 83 mijë kilometra nga planeti Ceres. Sipërfaqja e saj është goxha e rrahur nga përplasja e asteroidëve. I përbërë nga shkëmbijt dhe akulli, Ceres mund të ketë përmbajtje uji thellë nën sipërfaqen e tij.
Rayman tha se Ceres duke se ka qenë në një proçes rritjeje për të marrë formën e tij të plotë kur Jupiteri përfundoi rritjen e tij rreth 4.6 miliardë vjet më parë.
Duke studiuar Ceres-in, shkencëtarët po arrijnë të kuptojnë më mirë se si është formuar pjesa tjetër e sistemit diellor. “Ne duhet të kuptojmë universin në të cilin ndodhemi. Ne duhet ta studiojmë atë sepse jemi të uritur për më shumë dituri,” u shpreh Rayman.
ora news

Titulli: Ceres, planeti për të cilin ndoshta nuk keni dëgjuar kurrë

Une Ceres e njoh prej shume vitesh, s`kam si te mos e njoh sepse Ceres eshte birra ime e preferuar lol
Nuk e dija me te vertete qe birra ime e preferuar e paska marre emrin prej nje planeti.

Titulli: Ceres, planeti për të cilin ndoshta nuk keni dëgjuar kurrë

Shenjat e shndërritshme në planetin Ceres


Shkencëtarët që kanë arritur pamjen e parë të afërt ndaj planetit xhuxh Ceres, thonë se ata janë të surprizuar nga njolla të ndritura të cilat janë shfaqur në sipërfaqjen e tij.
Imazhet vijnë nga anija hapësinore e NASA-s, Dawn, e cila po përdor një mekanizëm funksionimi me ion-e, të ngadaltë por të sigurtë, për të lëvizur në limitin e orbitës rreth planetoid-it dhe duhet të arrijë në pozicionin e duhur, rreth datës 6 mars.
Copat e tokës që reflektojnë do t’i japin teoristëve të konspiracive të trilluara, shumë material për të imagjinuar, pasi ato i ngjajnë dritave të forta të qyteteve mbi një planet alien.
Në realitet, ka një mundësi të mirë që ato të jenë zona me ujë të akullt, ndoshta të formuar nga aktivitet vullkanor mbi këtë planetoid me një diametër prej 950 kilometrash, xhunga më e madhe e vetme në brezin e asteroideve mes Jupiterit dhe Marsit.
Skuadra shkencore pas anijes hapësinore Dawn, nuk po prisnin që të kishin këtë lloj rebusi në duart e tyre kur ata arritën në Ceres.
‘Kjo është me të vërtetë e papritur dhe gjithashtu një mister për ne’, thotë Andreas Nathues, krye investigues për skuadrën e kamerës filmike, institutin Max Planck për Kërkimet e Sistemit Diellor, në Gottingen, Gjermani.
‘Dicka e tillë mund të jetë duke na drejtuar drejt origjinave vullkanike të shenjave, por ne do të duhet të presim për një rezolucion më të mirë përpara se të bëjmë interpretime të tilla gjeologjike’, thotë Chris Russell, investiguesi kryesor për misionin Dawn, të bazuar në Universitetin e Kalifornisë i bazuar në Los Angeles.
Dawn do të shpenzojë 16 muajt e ardhshëm duke orbituar Ceresin dhe do të dërgojë në Tokë të dhëna shkencore dhe imazhe nga sipërfaqja.
Anija hapësinore ka vizituar tashmë kushëririn më të vogël të Ceres, asteroidin gjigand Vesta, i cili ka një sipërfaqje prej 525 kilometrash dhe nuk merr vëmendjen e duhur të planetit xhuxh.
Megjithatë, pas kësaj vizite, anija hapësinore i dha shkencëtarëve një numër të prej afro 30 000 imazhesh.
/oranews.tv/