Ilaçi i kompanisë Merck nuk është miratuar ende nga autoritetet shëndetësore në SHBA
Britania e Madhe është vendi i parë në botë që ka miratuar pilulën anti-covid të zhvilluar nga kompania Merck në përpjekje për të luftuar Covid-19.
Ky është trajtimi i parë antiviral për Covid-19 që miratohet dhe që po merr dritën jeshile përpara se autoritet shëndetësore në SHBA të thonë fjalën e fundit. Zyrtarët amerikanë do të takohen këtë muaj për të votuar nëse pilula anti-covid Merck duhet të autorizohet.
Ilaçi, që do të quhet Lagevrio në Britani, është vëzhguar nga afër nga ekspertët pasi të dhënat e deri më tanishme tregojnë se pilula antivirale mund të përgjysmojë shtrimet në spital si dhe vdekjet te njerëzit e infektuar kohët e fundit me koronavirus.
Autoritet shëndetësore do të vendosin se si do të ofrohet ky trajtim për pacientët.
Muajin e kaluar, Mbretëria e Bashkuar ra dakord për një marrëveshje me kompaninë Merck për të siguruar 480,000 pilula anti-covid.
Pilula jep shpresë pasi lufta kundër pandemisë do të zhvillohet në dy fronte: trajtimi nëpërmjet ilaçeve dhe parandalimi kryesisht nëpërmjet vaksinimit.
Klan News
Last edited by a moderator: