TruLLajKaa
Shqiptare
Besart Berisha, nuk e ka duruar më mënyrën e drejtimit të trajnerit Arie Haan, teksa në minutën e 70-të të ndeshjes, duke parë zëvendësimet e holandezit, është ngritur nga stoli, ka gjuajtur fanellën, në sytë e Haanit dhe ka lënë stadiumin, njofton Sporti Shqiptar.
Mesazhi ka qenë i qartë, për Hanin dhe drejtuesit e federatës. Në kombëtare po luajnë lojtarë që nuk aktivizohen pothuajse fare me klubet e tyre, ndërsa ai e të tjerë, të pathirrur, duhet të mos jenë në fushë, sipas filozofisë së Haanit.
Zgjedhjet e gabuara të trajnerit kuqezi u paralajmëruan që para ndeshjes, nga specialistë shqiptarë, sa i përket Duros së dëmtuar, që kishte 4 javë pa u aktivizuar me skuadrën e tij në Qipro, po ashtu Hyka, që s’i ka bërë gjithsej 20 minuta me Mainzin në Bundesliga 2, që pas fitores me Maltën, Bogdani, po ashtu, ndërkohë që lihen jashtë Bylykbashi, lider i padiskutueshëm në kampionatin ukrainas, Memelli, që po merr përpara Tiranën me golat e tij.
Mosnjohja e formës fizike të lojtarëve, tregoi se Haani ende nuk është trajner i përshtatshëm për Kombëtaren tonë. Madje, me zgjedhjet e gabuara dhe jo të motivuara profesionalisht, po shkakton probleme edhe brenda lojtarëve.
Shpërthimi i Berishës e tregon qartë këtë gjë, por duhen parë pasojat më tej, sepse të tilla marrëdhënie të acaruara mes lojtarëve dhe trajnerit do të ndikojnë patjetër edhe te lojtarët e tjerë kuqezinj.
per fat te keq.Bogdani nuk aktivizohet fare pothuaj edhe kur aktivizohet,ate e bene ne minutat e fundi te ndeshjes,njejte eshte dhe Berisha qe kam harruar kur ka nise nje ndeshje nga fillimi per Rozenborg,Kapllani gjithashtu,Salihi luan shpesh standard por kohet e fundit ka qene i demtura kshuqe i bie qe po te isha dhe une trajner,kur i kisha pase parasysh keto fakte me Bogdanin do nisja(ketu sdua ta anashkaloj Berishen qe ka me shume aftesi depertuese sesa Bogu)por po them qe Bogdani eshte tip lojtari qe ka emer,lufton ne ajer edhepse ne driblim eshte i ngathte.
