Derbi i Madridit ka një fitues, Barcelonën. Dy ekipet e kryeqytetit spanjoll barazojnë 1-1, duke i dhënë mundësinë Barcelonës të afrohet përkohësisht me tre pikë nga Atletico, por me një ndeshje më shumë.
Fillimi i ndeshjes është i tëri për djemtë e Diego Simenone, që kalojnë në avantazh në minutën 14 me Luis Suarez. Reali do të protestojë për një penallti në minutat e fundit të pjesës së parë, por Atletico do të mbyllte 45 minutat në avantazh.
Në pjesën e dytë Suarez ka mundësinë të vulosë një fitore të artë për ekipin e tij por portieri Courtois shpëton “Los Blancos”, që arrijnë barazimin në minutat e fundit falë një aksioni të bukur në zonën e Atleticos, e finalizuar nga Karim Benzema.
A2news.com