LeVoyageur
Once upon a time...
Një qytet indian ka bërë me dije se do të paguajë secilin qytetar që përdor tualetet publike, përpjekje kjo për të stopuar kryerjen e nevojave fiziologjike në zona të hapura.
Korporata Bashkiake e Ahmedabad (AMC), e cila ka në pronësi rreth 315 tualete publike nëpër qytet, ka thënë se rojtarët e vendosur në 67 tualete në zona të ndryshme që janë përdorë për kryerjen e nevojave fiziologjike do t’ju japin nga 14 cent secilit person që përdorë tualetet.
“Nëse tregohet i suksesshëm, projekti do të implementohet edhe në pjesën tjetër të tualeteve publike në Ahmedabad”, ka thënë zyrtari shëndetësor i AMC, Bhavikk Joshi, raporton UPI.
Pravin Patel, nga komiteti mbikëqyrës i projektit, ka thënë se personat që kryejnë vazhdimisht nevojat fiziologjike në zona të hapura do të “identifikohen dhe inkurajohen” për të përdorur tualetet.
“Ideja prapa këtij projekti është parandalimi i personave që i kryejnë këto nevoja në pjesë të qytetit ani pse ka tualete publike”, ka thënë Patel.
Ky projekt pritet të hyjë në fuqi brenda kësaj jave.
mapo
