Kresha
A pretty face can never trick me
-
- Anëtarësuar më
- Jul 18, 2008
-
- Mesazhe
- 38,995
-
- Reagimet e mara
- 35,539
-
- Vendndodhja
- WorLd 0f dReAms
Një studim, i cili po kryhet nga disa shkencëtarë e universitetit Laval të Kebekut, synon të arrije në përfundimin se konsumimi i çokollatës së zezë, mund të zbusë dëmet e lëkurës të shkaktuara nga ekspozimi i tepër në diell, transmeton BW.
Për një eksperiment të tillë shkencëtarët po ndërmarrin një fushatë për mbledhjen e grave me lëkurë me ngjyrë shumë të hapur rreth moshës 25 deri 65- vjeç.
Tridhjetë gra i janë përgjigjur thirrjes së shkencëtarëve që t’i nështrohen ekperimentit, ndërkohë që priten që në studim të përfshihen dhe rreth 30 të tjera, për të krijuar kështu një kampion me 60 persona.
Grupimi i parë i femrave kanë filluar tashmë të hanë tre të katërta e çokollatës së zezë në ditë dhe do të vazhdojnë ta bëjnë këtë për 12 javë.
Bëhet fjalë për një çokollatë e përgatitur posaçërisht dhe e pasur me polifenol, molekula të pranishme në kakao dhe që formojnë antioksidantë natyrorë.
Gjatë vizitave periodike në laboratorë, pjesëmarrëset do të marrin në anën e brendshme të parakrahut të tyre doza të përcaktuara të rrezeve ultravioletë të lëshuara nga një llampë e vogël.
Shkencëtarët shpresojnë se eksperienca do të tregojë se lëkura e atyre që kanë ngrënë çokollatë me polifenole do ta përballojë pa reagur një dozë shumë më të madhe të rrezeve se sa lëkura e atyre që nuk do ta kenë ngrënë këtë produkt. //keshilla