Matjaz Kuntner dhe Xhonatan Kodington, dy shkencëtarë të njohur në fushën e biologjisë, kanë arritur të zbulojnë merimangën më të madhe që është parë ndonjëherë nga syri i njeriut.
Trupi i merimangës "Nephila Komaci", e cila është gjetur në ishullin afrikan të Madagaskarit, arrin madhësinë e 12 centimetrave, gati sa pëllëmba e dorës së njeriut. Ndërsa rrjeta e kësaj merimange mund të kapë diametrin e 1 metri.
Kjo lloj merimange i përket familjes Nephila, e cila është një familje merimangash që arrin të prodhojë rrjeta me ngjyra mëndafshi dhe ari. “Merimangat femra të familjes Nephila janë merimangat më të mëdha që janë gjetur ndonjëherë nga ndonjë biolog. Ne jemi shumë të kënaqur që e gjetëm prototipin më të madh që është zbuluar ndonjëherë”, pohoi biologu slloven Kuntner.
Gjithashtu ai pohoi se kjo merimangë gjigante, pavarësisht përmasave të pazakonta, nuk është helmuese për njeriun. Merimanga u quajt me emrin Komaci, i cili është emri i kolegut dhe mikut të ndjerë të biologut Matjaz Kuntner.
Biologu Komaci e kishte ndihmuar Kuntnerin që të vazhdonte studimet mbi llojet e merimangave. Ai vdiq para disa kohësh në një aksident automobilistik.
•start•
(shaka)