Manekinia jashtëzakonisht tërheqëse, Adriana Lima, është fytyra kryesore e fushatës së “Blumarine” për koleksionet vjeshtë 2011.
Me paraqitjet e saja në fustanet e ngushta dhe makijazhin e plotësuar me buzëkuq, Lima duket mahnitëse.
Në koleksion dominojnë ngjyrat, si vjollce, e gjelbër, e zezë por edhe ‘animal print’ që në fustanet e ngushta duket jashtëzakonisht seksi.
Flokët e lëshuara paksa të shpupuritura dhe shikimi joshës i Adrianas, kombinohen me çfarëdolloj makijazhi ose veshje.
Fushata në fjalë u dedikohet femrave, të cilave u pëlqejnë veshjet seksi, ndërsa njëkohësisht pëlqejnë edhe veshjet praktike dhe të përditshme.
Veshjet “Blumarine” i bartin femrat të cilat duan të vënë në shprehje siluetën në fustanet e qepura për mrekulli, që njëkohësisht luajnë me ngjyrat e forta.
Burimi: Telegrafi