Brazil – 17 vjeçarja ka rrëfyer se ka therur 30 meshkuj në katër vende të ndryshme që nga viti 2006 e deri në ditët e sotme.
Lajmi konfirmohet nga burimet policore. 17 vjeçarja e ka rrëfyer një fakt të tillë pas arrestimit nga autoritetet braziliane. E reja ishte protagoniste në një grindje në njërën prej rrugëve të Sao Jose de Rio Preto në Sao Paolo.
"Unë nuk kam aq shumë guxim për të mbajtur një armë, por mund të mbaj një thikë",- ka treguar 17 vjeçarja. Jam betuar se do të tregoja për këtë para se të mbushja 18 vjeç, për t'i shmangur familjes sime shqetësimet",- ka thënë ajo për oficerët e policisë.
Sipas këtyre të fundit, ajo rrëfeu pikërisht në këtë kohë për t'iu shmangur hetimit apo ndjekjes penale të një të rrituri. Adoleshentja tregoi se kishte filluar të vriste që në moshën 15-vjeçare. Pas rrëfimit të saj, policia nisi të kërkonte e të kontrollonte në regjistrat e vrasjeve dhe vrasësve, dhe rezultoi se 11 raste përkonin me historitë e treguara prej vajzës. Të gjithë ishin nga Aparecida Do Taboado.
Ndërkaq, për rastet e tjera po hetohet në Sao Paolo, Mato Grosso dhe Minas Gerais. Sipas policisë, adoelshentja tha se i kishte kryer të gjitha vrasjet me të njëjtën thikë, për para, hakmarrje dhe për të vënë drejtësinë në vend. Policia dyshon se ajo është kontraktuar nga organizatat kriminale.
17 vjeçarja do të transferohet në qendrën e ndalimit të të rinjve në Aparecida Do Taboado, që ështe dhe vendlindja e saj.
*start*
.Prej 30 burrave a smujti bile 1 me dal e mi nal 
