Microsoft ka “fituar” edhe një model të ri të telefonit të mençur, i cili bazohet në sistemin e saj operativ, Windows Phone 7.
Edhe pse sistemi operativ i Microsoft për telefona të mençur mobil është larg kryesimit si platformë mobile, prapë se prapë prodhuesit e telefonave po mbështeten në Windows Phone 7.
Së fundmi, gjiganti amerikan i softuerit ka njoftuar për tri marrëveshje të reja partneriteti, ndërsa njëra prej tyre përfshin kompaninë Acer.
Në anën tjetër, Acer nuk ka vonuar që t’i publikojë karakteristikat e modelit të saj të ri të telefonit të mençur W4 Mango, i cili do të paraqitet më vonë gjatë këtij viti.
Modeli i ri i telefonit të mençur i Acer posedon WVGA ekranin e ndjeshëm në prekje me 3.5 inç, rezolucion prej 480 x 800 piksel, brezin HSPA 850/1900 apo 900/2100, WiFi, Bluetooth, 8GB memorie të brendshme, si dhe kamerën me 5 mega-piksel. / Telegrafi /