Arfenilla
Themelues i Forumit
Për këtë rast vlenë thënia "kurrë nuk është vonë". Ky burrë rreth të 100-tave , pas moshës 90 vjeçare e realizoi atë për të cilën ndiente gjithmonë nevojë, mësoi të lexonte e të shkruante.
Amerikani James Arruda Henry është njeriu i parë në botë, i cili deri në moshën 92 vjeçare ka qenë analfabet, dhe nuk dinte gërmat, ndërsa kur ka mbushur 98 vjet ka publikuar disa libra.
Henry, i cili ishte peshkatar me profesion, për një kohë të gjatë e mbajti të fshehur se nuk dinte shkrim-lexim, mirëpo përkundër suksesit në karrierë dhe në jetën private, ai ndjehej i turpëruar që ishte analfabet.
Ai madje nuk ka mundur t’i lexojë menytë e restoranteve, porse ka dëgjuar të tjerët duke porositur dhe ka kërkuar të njëjtën gjë.
Mirëpo, tani librin e tij autobiografik “In A Fisherman’s Language” e lexojnë nëpër shkolla fillore si vepër të rëndësishme.
“As që kam ëndërruar se do të shkojë kaq larg. Nuk kam ditur as të lexoj as të shkruaj, ndërsa më pas kam mësuar dhe kam publikuar libra rreth udhëtimeve të mia në jetë. Jam shumë i lumtur, mund t’ju them se njerëzit më shkruajnë letra dhe më mbështesin”, ka thënë Henry për Associated Press.
