Wei Chen është një nëpunëse zyre nga Taipei (Tajvan), por ajo tashmë është zhgënjyer nga meshkujt. Asnjë nga kandidatët e mundshëm nuk e “frymëzoi2 për t’u martuar me të.
Nga ana tjetër, duke mos i rezistuar dot presionit të rrethit të saj shoqëror, vendosi të martohej, por… jo ndonjë kandidat për dhëndër por me veten e saj.
Kështu Wei veshi një fustan të gjatë të bardhë, kontaktoi me një zyrë që organizon ceremoni martesash si edhe një fotograf, mori me qira një sallë evenimentesh dhe organizoi ahengun e martesës ku kishte ftuar 30 miq të saj. Madje kishte paguar edhe për muajin e mjaltit në Australi.
“Mosha 30-vjeçare është e veçantë për mua. Puna ecën mirë dhe kam një jetë plot eksperienca, por nuk kam mundur të gjej mashkullin e përshtatshëm. Kështu që çfarë tjetër mund të bëja? Nuk është se jam kundër martesës. Thjesht shpresoj që kështu mund të shpreh një ide tjetër, brenda kufijve të traditës”, deklaroi e porsamartuara.
Vlen për t’u përmendur se martesa e saj kushtoi 5.675 dollarë amerikanë dhe tërhoqi shumë vëmendjen në internet, pasi kishte mbi 1800 komente që e mbështesin.
Botëkuptimi i femrave në Tajvan ka ndryshuar në lidhje me martesën. Kështu, femrat nuk martohen më në moshë të vogël, sidomos kur ndjekin karrierën. Madje edhe martesat po rrallohen në atë masë, sa që janë shtuar shqetësimet e qeverisë për pakësimin e lindjeve në ishull.
Chen nuk mund ta deklarojë zyrtarisht martesën që kreu me veten e saj. Kjo do të thotë që kur të gjejë mashkullin ideal, duhet të martohet për herë të dytë. E mira në këtë çështje është që nuk do të nevojitet t’i kërkojë divorc vetes.
por me sa duket i paska vajt kot :viola:ndoshta, ndoshta eshte si te thuash nje trokitje ne mendjen e cunave se kur bene gjithe ate moshe edhe nuk rrihet vet :syze:
..komplet i kuptushem i pranushem arsytimi jot,..sepse nje veprim ka shume kendveshtrime,..!