3 milionë euro për vetura luksoze

Më shumë se tre milionë euro janë planifikuar që të shpenzohen gjatë vitit 2014 për blerjen e veturave luksoze për institucionet qeveritare, institucione të pavarura, si dhe për kuvende komunale.

Mirëpo, kjo shumë mund të rritet edhe gati për 2 milionë euro, nëse deri në fund të këtij viti, zyra e Prokurimit e Policisë së Kosovës nuk arrin të përzgjedhë kompaninë për furnizim me vetura patrulluese, e ku si pasojë e parregullsive të mëdha tenderi në fjalë është anuluar disa herë nga Organi Shqyrtues i Prokurimit (OSHP) gjatë këtij viti, por edhe gjatë vitit të kaluar.

Sipas projektbuxhetit, i cili është miratuar nga Qeveria e Kosovës, shihet se gjatë vitit 2014, Kuvendi i Kosovës ka paraparë që të blejë vetura në vlerë prej 30 mijë euro.

Po ashtu, gjatë vitit që vjen Qeveria e Kosovës e ka miratuar buxhetin edhe për blerjen e veturave për nevoja të Doganës, e ku shuma totale e paraparë është 160 mijë euro.

Po ashtu, edhe Agjencia Pyjore e Kosovës gjatë vitit 2014 për blerjen e veturave të reja do të shpenzojë 200 mijë euro.

Ndërkaq, Universiteti i Pejës 30 mijë euro, ai i Gjilanit 45 mijë euro, i Gjakovës 40 mijë euro, si dhe ai i Mitrovicës 40 mijë euro.

Qeveria e Kosovës gjatë vitit 2014 po ashtu e ka miratuar buxhetin për blerjen e veturave edhe për Agjencinë Kosovare për Mbrojtjen e Mjedisit, ku shuma totale është 50 mijë euro./zeri/

Pe: 3 milionë euro për vetura luksoze

Bravo KOSOVA paska kap veten

Titulli: 3 milionë euro për vetura luksoze

I mbaruan gjerat e tjera qeveria Kosovare dhe ka ngelur tek makinat luksoze? Shume turp kur keto leke qe mendohen per keto makina mund te sherbejne per gjera me me vlere per popullin kosovar.

Titulli: 3 milionë euro për vetura luksoze

Ema1 pajtohem plotesisht me komentin tend.

Kosova ka 1 milion gjera te tjera me te rendesishme se blerja e veturave luksoze, mirepo kur ke nje qeveri korruptive, antipopullore, hajdute, atehere s'ke cka pret tjeter.