TIRANث- Monumenti kushtuar luftëtarit Hasan Prishtina u ngit sot në lulishten tek Muzeu Historik Kombëtar, Tiranë. Në ceremoninë e ngritjes së shtatotes së patriotit kombëtar ishin të pranishëm zyrtarë të lartë të Republikës së Shqipërisë dhe Kosovës.
Kryeministri i vendit Sali Berisha dhe Presidentja e Kosovës Atifete Jahjaga zbuluan shtatoren. Gjatë gjatë fjalës së saj presidentja kosovare shprehu rendësinë që merr ky monument në prag të 100 vjetorit të Pavarësisë së Shqipërisë.
“Sot në 100 vjetorin e shpalljes së pavarësisë kam nderin dhe krenarinë të përuroj në Tiranë shtatoren e Hasan Prishtës, atdhetarit ideologut për liri dhe pavarësisi të vendit. Njeriu që donte arsmin dhe popullin. Të njeriut që gjithë jetën që jetoi nëpërpjekje për të bërë Shqipërinë dhe shqiptarët shtet dhe popull i lirë”, tha ndër të tjera Jahjaga.
Kryeministri Berisha duke vlerësuar figurën e hasan Prishtinës theksoi se ai ishte arkitekt i Shqipërisë etnike.
“Sot vendoset shtatorja e arkitetktit të Shqipërisë etnike, arkitekt pavarësisë së Shqipërisë, burri i madh që shkriu jetën e tij për bashkimni e trojeve shqiptare, për pavarësinë e Shqipërisë, për dinjitetin e shqiptarëve. Hasan Prishtina, me veprën e tij, me të gjtihë përkushtimin e tij u shndërrua në flakë mbajtësin e idealit të bashkimit kombëtar të lidhjes së Prizrenit”,- vlerësoi Berisha.
(e.m/BalkanWeb)
