▌VNSHD▐
BSNT
Viktima e eksperimenteve mjekësore naziste dhe një ish- roje naziste në Gjermani, të cilët 70 vite më parë ishin armiq të betuar, i dhuruan njeri tjetrit një përqafim, i cili emocionoi mijëra njerëz.
Eva Kor, 81 vjeçe takoi Oskar Groening, 93 vjeç në sallën e gjykatës ku po zhvillohej procesi kundër ish-nazistit.
“E di që shumë njerëz do më kritikojnë për këtë fotografi, por s’ka gjë. Janë dy qenie njerëzore që janë takuar 70 vjet pas asaj që ndodhi. Nuk do e kuptoj kurrë se pse inati preferohet më shumë se një veprim i mirë.
Asgjë e mirë nuk mund të vijë nga inati”, komentoi gruaja fotografinë. I moshuari nazist tregoi me detaje çdo gjë që ndodhte në Auschwitz, mori përsipër përgjegjësitë e tij dhe tashmë akuzohet për vrasjen e 330 mijë personave.
Gruaja u thirr si dëshmitare në proces, gjatë të cilit deklaroi se e vlerëson faktin që 93 vjeçari mori përsipër përgjigjësitë mbi gjithë sa ka ndodhur. Në Facebook, Eva shpjegoi përgjegjësitë e veprimit të saj, “E përqafova dhe i thashë se e vlerësoj faktin që u paraqit në sallë për të na parë në fytyrë. Por do të doja që ai të bënte një apel për ish-nazitët që janë ende në jetë që të dalin nga hija dhe të përballen me të kaluarën.
Jam e bindur se ka bërë gjithçka për të cilën akuzohet. I thashë se e kisha falur por se kjo nuk më pengon që ta akuzoj”./a.y/noa.al